| e-texts navigator |
| Wylie |
290a1 རྡོ་རྗེ་རབ་འདྲ་བ།། སྐུ་དང་གསུང་དང་ཐུགས་རྣམས་ཀྱི།། དཀྱིལ་འཁོར་ཡང་དག་རབ་བཤད་བྱ།། ལུས་དང་ངག་སེམས་བསྒོམས་པ་ཡིས།། ཤེས་རབ་ཅན་གྱིས་ཐིག་གདབ་པ།། ཐིག་སྐུད་སར་པ
290a2 ལེགས་བཀལ་བ།། ཚད་མ་བཟང་པོ་མཛེས་པ་ཡིས།། ཐུགས་ཀྱི་དཀྱིལ་འཁོར་དམ་པ་ནི།། ཁྲུ་ནི་བཅུ་གཉིས་ཚད་དུ་བྱ།། ངོས་བཞི་དང་ནི་གྲ་བཞི་དང་།། སྒོ་བཞི་པར་ནི་རབ་ཏུ་བརྟག། དེ་ཡི་དབུས་སུ་འཁོར་ལོ
290a3 ནི།། རབ་ཏུ་ཟླུམ་པོ་བྲི་བར་བྱ།། ཆོ་ག་མཐོང་བའི་ལས་ཀྱིས་ནི།། དེ་ནས་ཕྱག་རྒྱ་དགོད་པར་བྱ།། དེ་དབུས་རྡོ་རྗེ་བྲི་བ་ནི།། ཨིན་དྲ་ནཱི་ལའི་ཁ་དོག་འདྲ།། འབར་བ་ཆེན་པོ་རྩེ་ལྔ་པ།། འཇིགས་པ་དག་ཀྱང་རབ
290a4 འཇིགས་བྱེད།། ཤར་དུ་འཁོར་ལོ་ཆེན་པོ་ནི།། རྡོ་རྗེ་འབར་བས་རྣམ་པར་བརྒྱན།། ལྷོ་རུ་རིན་ཆེན་ཆེན་པོ་ནི།། འོད་ཟེར་མང་པོ་རབ་ཏུ་འཁྲིགས།། ནུབ་ཏུ་པདྨ་ཆེན་པོ་ནི།། པདྨ་རཱ་གིའི་ཁ་དོག་འདྲ།། བྱང་དུ་རལ་གྲི
290a5 ཆེན་པོ་ནི།། འོད་ཟེར་འབར་བ་རབ་འཁྲིགས་བྲི།། དབུས་སུ་སྤྲིན་དང་འདྲ་བའི་འོད།། སྤྱན་ནི་ཤར་གྱི་གྲ་རུ་བྲི།། མཱ་མ་ཀི་ཡི་རིགས་འབྱུང་བའི།། རྡོ་རྗེ་དེ་བཞིན་ལྷོ་རུའོ།། པད་མ་ཁ་བྱེ་སྡོང་བུར་བཅས།། ནུབ་ཏུ
290a6 ཀུན་དུ་བྲི་བར་བྱ།། བྱང་དུ་ཨུཏྤལ་མཛེས་པ་ནི།། མཐིང་ཀ་སྤྲིན་དང་འདྲ་བ་བྲི།། ཐོ་བ་ཀུན་ནས་འོད་མཛེས་འབར།། ཤར་གྱི་སྒོ་ནི་བྲི་བར་བྱ།། རྡོ་རྗེ་འབར་སོགས་འོད་བཟང་བ།། དབྱུག་པ་ལྷོ་རུ་ཀུན་དུ་བྲི།། པད
iiif viewer powered by OpenSeadragon
