| e-texts navigator |
| Wylie |
28a1 མེད་དེ།། ཐམས་ཅད་རྒྱལ་བའི་མཛད་པར་སྣང་།། འགྲོ་དང་འདུག་དང་ཟ་དང་ཉལ།། གར་དང་སྟབས་གླུ་བྲོ་ལ་སོགས།། མཛེས་དང་ཆགས་དང་དྲག་ཤུལ་སྤྱོད།། ཐབས་ལྡན་སྐྱེས་བུའི་བརྟུལ་ཞུགས
28a2 ཉིད།། དེ་ནས་གཞན་ཡང་བཤད་བྱ་བ།། རྟེན་དང་བདེ་བ་མྱང་འདོད་པས།། ཐབས་དང་ཤེས་རབ་གཉིས་མེད་པའི།། ཐིག་ལེ་དོན་ལ་གནས་པ་ཡི།། རྐྱེན་ཟླ་སྣང་བའི་ཡེ་ཤེས་ཀྱིས།། ཐབས་ཀྱི་བདེ་བ་ཉམས་ཐོབ
28a3 ནས།། གང་དེ་གསལ་བརྟན་བྱ་བའི་ཕྱིར།། ལུས་ནི་བཅུད་ཀྱིས་འཚོ་བར་བྱ།། རྫས་ནི་ཐབས་དང་ཏིང་འཛིན་གྱིས།། ཅི་བདེ་བར་ནི་གནས་པར་བྱ།། ཤ་ལྔ་དང་ནི་བདུད་རྩི་ལྔ།། བཅུད་དང་སྦྱར་རམ་དངོས་ཀྱང
28a4 རུང་།། བཟའ་བཏུང་མུར་བ་ལ་སོགས་པ།། འདི་དག་རྟག་ཏུ་བསྟེན་པར་བྱ།། རྒྱལ་བ་རྣམས་ཀྱི་དམ་ཚིག་སྟེ།། མཆོད་དང་ལོངས་སྤྱོད་འབྱུང་བ་དང་།། བསྟེན་དང་མོས་པ་ཙམ་གྱིས་ཀྱང་།། སྡུག་བསྔལ་ལས་གྲོལ
28a5 བདེ་ཆེན་ཐོབ།། དེ་ནས་གཞན་ཡང་བཤད་བྱ་བ།། འདོད་ཆགས་བྲལ་བ་བདེ་ཐོབ་ཅིང་།། བདེ་བའི་ཐིག་ལེ་རྒྱས་བྱའི་ཕྱིར།། འདོད་ཆགས་ཐབས་ཀྱི་སྤྱོད་པ་ནི།། མ་ལུས་ཐབས་ཀྱི་འདུལ་བ་དང་།། རིག་པའི
28a6 འཁོར་ལོ་བསྐོར་བ་དང་།། སྐྱེས་པའི་ཡོ་བྱད་ལྡན་པ་ཡིས།། རིགས་བཞིན་ཆད་པ་ནུས་མཐུ་དང་།། རིམ་པ་བཞིན་དུ་བརྟག་པར་བྱ།། བཅུ་གཉིས་བཅུ་བཞི་བཅུ་དྲུག་མ།། བཅཝ་བརྒྱད་ཉི་ཤུ་གཉིས་ལྔ་སོགས།། ཡིད
iiif viewer powered by OpenSeadragon
