| e-texts navigator |
| Wylie |
289a1 ངོ་བོ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་གསུང་ཐུགས་བྱིན་གྱིས་རློབ་པའི་སྔགས་འདི་གསུངས་སོ།། ཨོཾ་དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོ&ཧཾ། རིན་ཆེན་ཆེན་པོ་ཁ་དོག
289a2 ལྔ།། ཡུངས་ཀར་གྱི་ནི་འབྲུ་ཚད་ཙམ།། སྣ་ཡི་རྩེ་མོར་ནན་ཏན་དུ།། རྣལ་འབྱོར་གྱིས་ནི་རྟག་ཏུ་བསྒོམ།། རིན་ཆེན་བརྟན་པར་གྱུར་ནས་སྤྲོ།། བརྟན་པར་མ་གྱུར་ཡོང་མི་སྤྲོ།། སངས་རྒྱས་འབར་བ་མཚུངས་པའི
289a3 འོད།། རབ་མཆོག་སྤྲིན་རྣམས་སྤྲོ་བར་བྱ།། འཁོར་ལོ་རྡོ་རྗེ་རིན་ཆེན་དང་།། པད་མ་རལ་གྲི་མཚོན་ཆ་འཛིན།། བྱང་ཆུབ་སེམས་དཔའི་སྤྲིན་ཆེན་རྣམས།། སྤྲོ་བའི་བདག་ཉིད་ཅན་གྱིས་སྤྲོ།། ནམ་མཁའི་དབྱིབས་ཀྱི
289a4 དབུས་གནས་པར།། ཟླ་བའི་དཀྱིལ་འཁོར་བྲི་བར་བྱ།། གསལ་བའི་དཀྱིལ་འཁོར་དབུས་གནས་པར།། འཁོར་ལོའི་དཀྱིལ་འཁོར་བསྒོམ་པར་བྱ།། པད་མའི་དཀྱིལ་འཁོར་འདྲ་བ་ནི།། པད་མ་སྒོམ་པས་བསྒོམ
289a5 པར་བྱ།། རིན་ཆེན་དཀྱིལ་འཁོར་འདྲ་བ་ནི།། རིན་ཆེན་བརྩོན་པས་བསྒོམ་པར་བྱ།། སྦྱོར་བའི་དཀྱིལ་འཁོར་ལས་བྱུང་བ།། ནམ་མཁའ་འདྲ་བར་བྲི་བར་བྱ།། སངས་རྒྱས་རང་མཆོག་འདི་རྣམས་ཉིད།། སྐུ
289a6 གསུང་ཐུགས་ནི་སྒྲུབ་པ་ཡིས།། དཀྱིལ་འཁོར་རྡོ་རྗེ་ལས་བྱུང་བ།། ཐམས་ཅད་མཁྱེན་པའི་ཚུལ་ཐོབ་པའོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་རྡོ།
iiif viewer powered by OpenSeadragon
