| e-texts navigator |
| Wylie |
288b1 རྗེ་ཡི།། ཕྱག་རྒྱ་ཆེན་པོ་བསྒོམ་པར་བྱ།། བསྡུས་པ་གཉིས་མེད་སྦྱོར་བ་ཡིས།། མི་བསྐྱོད་ཕྱག་རྒྱ་མཆོག་རབ་དང་།། རིན་ཆེན་ཏོག་གི་ཕྱག་རྒྱ་ཆེ།། ཚེ་དཔག་མེད་པའི་འོད་བྱེད་དང་།། དོན་གྲུབ་ཕྱག་རྒྱ་ཆེན་པོ
288b2 རྣམས།། སངས་རྒྱས་དཀྱིལ་འཁོར་དག་ཏུ་བསྒོམ།། སྐུ་གསུང་ཐུགས་ཀྱི་རྡོ་རྗེ་ཅན། ཨིན་དྲ་ནཱི་ལའི་ཁ་དོག་འདྲ།། རབ་འབར་ཕྱག་ན་རྡོ་རྗེ་བསྣམས།། རྣམ་པར་གཙིགས་པ་འཇིགས་སུ་རུང་།། ཤེལ་དང་ཟླ་བའི
288b3 འོད་དང་འདྲ།། ཐོར་ཚུགས་ཅོད་པན་གྱིས་བརྒྱན་པ།། རབ་འབར་ཕྱག་ན་འཁོར་ལོ་བསྣམས།། སྣ་ཚོགས་རྒྱན་གྱིས་མཛེས་པར་བརྒྱན།། འཛམ་བུ་ཆུ་བོའི་གསེར་འོད་འདྲ།། སངས་རྒྱས་སྤྲིན་ནི་ཀུན་ཏུ
288b4 འཁྲིགས།། རྩེ་མོ་དགུ་པའི་རྡོ་རྗེ་ཆེ།། དེ་ཡི་ཕྱག་ཏུ་རྣམ་པར་བསྒོམ།། མ་ར་ཀ་ཏའི་འོད་འདྲ་བ།། རྡོ་རྗེ་འབར་བས་རྣམ་པར་བརྒྱན།། ཀུན་དུ་འབར་བའི་སྤྲིན་གྱིས་ཁྱབ།། ཕྱག་ན་རིན་ཆེན་བསྣམས་པར
288b5 བསྒོམ།། པད་མ་རཱ་གའི་མདོག་འདྲ་བ།། གཙོ་བོ་འདོད་ཆགས་འོད་འབར་འཆང་།། རབ་འབར་ཕྱག་ན་པད་མ་བསྣམས།། འདོད་ཆགས་རྡོ་རྗེ་ཅན་བསྒོམ་བྱ།། འོད་ཟེར་ལྔ་ཡི་འོད་འདྲ་བ།། སྣ་ཚོགས་དོན་ཡོད་རྡོ
288b6 རྗེ་ཅན།། ཞི་བ་ཕྱག་ན་རལ་གྲི་བསྣམས།། སངས་རྒྱས་དཀྱིལ་འཁོར་དུ་ནི་བསྒོམ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་དེ་བཞིན་གཤེགས་པས་ཆོས་ཀྱི་དབྱིངས་ཀྱི།
iiif viewer powered by OpenSeadragon
