| e-texts navigator |
| Wylie |
27a1 སྒྲས།། མཐའ་གཉིས་མ་གོས་པདྨ་ཅན།། སྤྲུལ་པའི་གནས་ནས་སྐྱེ་བ་ཡིས།། བཞི་བཅུ་རྩ་ལྔ་རྫོགས་མཐའ་ཡས།། ཀུན་དང་གཞན་ཉིད་རང་གསལ་བས།། བཅུ་གསུམ་ཡི་གེ་འཁོར་ལོ་བརྗོད།། རྒྱལ
27a2 བ་ཀུན་གྱི་སྐུ་གསུང་ཐུགས།། དབྱེར་མེད་ཐིག་ལེ་ངོ་བོ་ཉིད།། དབང་བསྐུར་ལྔ་ཡི་ཁྱད་པར་ཏེ།། སྐལ་ལྡན་རྣམས་ལ་བསྟན་པ་ཡིན།། གོང་དུ་བསྐལ་པ་བྱེ་བ་ཡི།། ཐུན་མོང་ཐུན་མོང་མ་ཡིན་པའི།། སྡིག་པ་བྱས་པ
27a3 གང་ཡིན་དང་།། དཀའ་ཐུབ་སྡོམ་པས་ལུས་གདུངས་ཤིང་།། སྡུག་བསྔལ་ཉེ་བར་གཟིར་བ་ཀུན།། དབང་བསྐུར་ཐབས་ཀྱིས་ཚེ་འདིར་གྲོལ།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། དབང་བསྐུར་བར་བཤད་པའི
27a4 ལེའུ་སྟེ་བཅུ་པའོ།། །། དེ་ནས་གཞན་ཡང་བཤད་བྱ་བ།། ཐབས་དང་ཤེས་རབ་གཉིས་མེད་པའི།། གསང་ཆེན་ལམ་ལ་ཞུགས་པ་ཡི།། ལམ་གྱི་དོན་གྱི་བརྟུལ་ཞུགས་བཤད།། དཔག་ཏུ་མེད་པའི་ལོག་རྟོག
27a5 དང་།། མོས་པའི་སྤྱོད་པའི་ཁྱད་པར་ལྟར།། བརྟུལ་ཞུགས་མཐའ་ཡས་འདི་གསུངས་སོ།། འདི་ལྟར་ཐབས་ལྡན་བདེ་བར་གསལ།། ཐལ་བའི་དབྱངས་ལ་སོགས་པ་ཡི།། ཇི་སྙེད་གདུལ་བྱ་མ་ལུས་པ།། ཆགས་པ
27a6 ཅན་དང་ལོག་སྲེད་ཅན།། འདུལ་བའི་དོན་དུ་བསྟན་པ་ཡིན།། རང་བཞིན་མཉམ་པའི་དོན་གཅིག་ཀྱང་།། རྐྱེན་གྱིས་ཐ་དད་སྣ་ཚོགས་པའི།། ལས་དང་སྤྱོད་པ་མཐའ་ཡས་ཀྱང་།། རང་བཞིན་ཉིད་ལ་ལྡན་བྲལ
iiif viewer powered by OpenSeadragon
