| e-texts navigator |
| Wylie |
26a1 འགྲུབ།། བཅུ་དྲུག་ཚུལ་གྱིས་འགྲུབ་པ་ནི།། བདག་གཞན་བྱ་བ་མཐར་ཕྱིན་པ།། བདེ་ཆེན་སྟོང་ཉིད་ཐིག་ལེ་ལ།། རོལ་པའི་ཐིག་ལེར་རང་ཤར་བ།། དགག་བསྒྲུབ་མེད་པའི་ཚུལ་གྱིས་སྣང་།། བདེ
26a2 འདུས་ཡེ་ཤེས་ཐིག་ལེ་ལ།། མཐའ་ཡས་ཡེ་ཤེས་རང་སྣང་བ།། རང་བྱུང་ཐིག་ལེ་བདེ་ཆེན་ལས།། མ་བཙལ་ལྷུན་གྲུབ་རིག་འཛིན་མཆོག། བདེ་ཆེན་རིག་པ་ལས་བྱུང་བའི།། ཞིང་ཁམས་གཞལ་ཡས་སྐུ
26a3 གསུང་ཐུགས།། གཅིག་དང་དུ་མ་ལས་འདས་པ།། གསང་བ་ཆེན་པོའི་མཚན་ཉིད་དོ།། དེ་ནས་གཞན་ཡང་བཤད་བྱ་བ།། ཐུན་མོང་བྱིན་རླབས་དཀྱིལ་འཁོར་དུ།། རིགས་ལྡན་བརྩོན་འགྲུས་ཅན་དག་ལ།། རྒྱལ་པོ
26a4 ལྟ་བུ་གང་བྱིན་པ།། ཁམས་བཅུད་བདེ་བའི་ལམ་ཉིད་དུ།། དབུ་མ་བཅུད་ལྡན་མཚན་ལྡན་པ།། དྲ་བའི་རྩ་དང་དབང་པོ་དང་།། ཕུང་སོགས་ཡེ་ཤེས་བདེ་འཁོར་ལོ།། ཧཱུཾ་གི་བདེ་བ་ཡེ་ཤེས་བཅས།། ཚོགས་བརྒྱད་རང
26a5 བཞིན་ཡེ་ཤེས་ལྔ།། སྔགས་རྫས་དགོངས་པས་གང་བསླངས་པ།། ཀུན་ནས་ལྡན་ཞིང་སྐྱོབ་པ་ཡིས།། སྡུག་བསྔལ་ལས་གྲོལ་རིགས་སུ་ངེས།། སྤྱི་མགྲིན་སྙིང་དང་ཡན་ལག་སོགས།། རང་བྱུང་རྟེན་གྱི་ཐིག་ལེ
26a6 ལས།། རིགས་ཀྱི་ཕྱག་རྒྱ་གསལ་ལྡན་པ།། གཉིས་མེད་ཐིམ་པའི་བྱིན་རླབས་ཀྱིས།། ནུས་པ་ལྔ་ལྡན་ཕྱག་རྒྱར་སྨིན།། ཐབས་ཀྱི་ཆོ་ག་དབང་བསྐུར་བས།། རྒྱལ་མཆོག་རྒྱས་བཏབ་ཕྱག་རྒྱའི་མཆོག། རྒྱལ་མཆོག
iiif viewer powered by OpenSeadragon
