| e-texts navigator |
| Wylie |
25b1 དུ་དད་དང་བརྩོན་འགྲུས་དང་།། བརྟུལ་ཞུགས་གསུམ་དང་ལྡན་པ་ལ།། ས་བོན་འཇུག་དང་ནུས་བྱེད་ནས།། བདེ་བའི་དབང་ནི་རིམ་བཞིན་སྦྱིན།། ཕྱག་རྒྱ་ཆེན་པོ་ནམ་མཁའི་དབྱིངས།། སོར་བཞི་ཚད་དུ་རང
25b2 བཞིན་གནས།། བདེ་བ་ཡེ་ཤེས་ཐུགས་དཀྱིལ་འཁོར།། ཁ་དོག་དབྱིབས་དང་ལྡན་པར་བྱ།། ཐབས་ཀྱི་རང་གནས་ཆོ་གར་ལྡན།། འཇུག་པ་པོས་ཀྱང་གསོལ་བ་གདབ།། ཐབས་དང་ཤེས་རབ་ཉི་ཟླའི་འབྲུ།། ཕྲ་མོ
25b3 གསལ་བའི་རང་བཞིན་ལ།། རྒྱལ་བའི་དཀྱིལ་འཁོར་ལྷུན་རྫོགས་པ།། གསལ་བར་གནས་པ་བྲིས་པ་ཡིན།། ཐལ་མོ་ཞེས་བྱ་སྡེབས་པའི་སྒྲ།། དབང་པོ་ཡུལ་དུ་རབ་སྦྱོར་བས།། ཕྱག་རྒྱ་ཆེན་པོ་ནམ་མཁའི
25b4 དབྱིངས།། བརྟུལ་ཞུགས་ཆེན་པོའི་དང་དུ་བླངས།། རྡོ་རྗེ་མཛུབ་མོའི་རྩེ་དག་ཏུ།། ཏིལ་འབྲུ་ནམ་མཁའི་གཞལ་ཡས་སུ།། རི་རབ་གཅིག་གི་ཕྱག་རྒྱ་དགོད།། ཐབས་ཀྱི་ཆོ་ག་རབ་གནས་བྱ།། གསང་བའི་ཆོ་ག
25b5 ལུགས་སུ་དབུལ།། དབང་བསྒྱུར་ཕྱག་རྒྱ་ལ་གནས་པས།། རང་བྱུང་ཐིག་ལེ་རྒྱ་ཚིགས་འགྲུབ།། བཅུ་དྲུག་ཚུལ་གྱིས་འགྲུབ་པ་ནི།། གསང་བའི་ཡོ་བྱད་ལྡན་པ་ཡི།། གསང་བའི་གནས་ལ་སྦྱར་བརྩོན་པས།། ཟླ་བ
25b6 འཕེལ་བའི་རིམ་པ་བཞིན།། བདེ་བ་ཆེན་པོ་རྫོགས་པར་འགྱུར།། མ་ཉམས་ཐབས་དང་ཉམས་ལྡན་པས།། ལོ་ཟླ་ཚེས་གྲངས་རབ་འབྲིང་གིས།། དབང་བསྒྱུར་ཕྱག་རྒྱ་ལ་གནས་པས།། རང་བྱུང་ཐིག་ལེ་སྣ་ཚོགས
iiif viewer powered by OpenSeadragon
