| e-texts navigator |
| Wylie |
24b1 ལུས་པ།། རྒྱ་མཚོ་ལ་ནི་ཆུ་ཀླུང་ལྟར།། ཐ་དད་སྣང་བ་མ་ཡིན་ཏེ།། བདེ་ཆེན་ཐིག་ལེའི་ངོ་བོར་ཐིམ།། རང་བྱུང་ཉམས་ལ་བརྟན་ཐོས་པས།། ཕྱི་ནང་བདེ་ཆེན་རང་རིག་པས།། ཤེས་པ་འཇུག་པའི་ཡུལ་ལས
24b2 འདས།། རིག་པའི་ཐིག་ལེ་སྐྱེ་བ་མེད།། བདེ་ཆེན་ཐིག་ལེ་ཁྱབ་པ་ལ།། རླུང་དང་ཐིག་ལེ་འགྲོ་འོད་མེད།། འཕེལ་བ་མེད་ཅིང་འགྲིབ་པ་མེད།། རྒྱུ་འབྲས་མེད་ཅིང་རིམ་པ་མེད།། ནམ་མཁའ་ལ་ནི་རང་སྣང
24b3 བཞིན།། རྟོག་པའི་དབང་པོ་དག་པ་ལས།། དབང་ཡུལ་ལ་སོགས་གང་སྣང་བ།། བདེ་བ་ཆེན་པོའི་རང་བཞིན་གསལ།། འདིས་ནི་ནམ་མཁའི་མཐར་ཐུག་པར།། ཆོས་དབྱིངས་མཉམ་དང་མི་མཉམ་པར།། བདེ་བ
24b4 ཆེན་པོ་ཆོས་ཀྱི་དབྱིངས།། གསང་བ་གཉིས་མེད་དག་པའོ།། སངས་རྒྱས་ཀུན་གྱི་བསྔགས་པ་ཡི།། གསང་བའི་དམ་ཚིག་ཆེན་པོ་འདི།། མུ་སྟེགས་ཅན་དང་དཀའ་ཐུབ་ཅན།། དམན་པའི་རིགས་ཅན་ཡུལ་མ
24b5 ཡིན།། བདེ་བ་མེད་པའི་ཆགས་བྲལ་འདི།། ནམ་མཁའ་ལ་ནི་མྱུ་གུ་ལྟར།། བདེ་བ་ཆེན་པོ་ཐིག་ལེ་ཉིད།། འབྱུང་བར་ནུས་པ་མ་ཡིན་ནོ།། ཐིག་ལེ་ཐབས་ཀྱིས་མ་ཟིན་པ།། གང་གིས་ཞེན་པས་དེ་སྤྱད་པས།། ཐ་མལ
24b6 པ་དང་མུ་སྟེགས་ཀྱི།། ལོག་པའི་ལམ་དུ་ལྟུང་འགྱུར་བས།། ཟག་པས་རྒས་དང་རྒུད་པ་དང་།། ཉམས་དང་བརྒྱལ་དང་ནད་གཟིར་དང་།། ལོག་པའི་གདུང་བས་གཟིར་བ་དང་།། རིགས་ངན་མངལ་དུ་སྐྱེ་བར
iiif viewer powered by OpenSeadragon
