| e-texts navigator |
| Wylie |
245a1 མཐུ་རུ་འགྱུར།། མ་འོངས་སངས་རྒྱས་ཆེན་པོ་དང་།། རྡོ་རྗེ་སེམས་དཔའ་བདག་པོ་ཆེ།། བློ་ལྡན་དབང་བསྐུར་བླངས་པ་ཡིས།། དབང་བསྐུར་ཕུན་སུམ་ཚོགས་པ་ཀུན།། སངས་རྒྱས་ཀུན་གྱིས་འཐོབ
245a2 འགྱུར་ཏེ།། དབང་བསྐུར་བ་ཡི་ཡིད་དུ་འགྱུར།། དེ་བཞིན་གཤེགས་པ་ཐམས་ཅད་ཀྱི་དམ་ཚིག་རྡོ་རྗེ་ཡེ་ཤེས་ཆེན་པོ་ཞེས་བྱ་བ་མཆོག་ཏུ་གསང་བ་ཆེན་པོའི་དཀྱིལ་འཁོར་ཏེ་ལྔ་པའོ།། །། དེ་ནས་བཅོམ་ལྡན
245a3 འདས་དེ་བཞིན་གཤེགས་པ་ཐམས་ཅད་མཆོག་ཏུ་དགྱེས་པ་ཆེན་པོ་ཡིད་བདེ་བར་གྱུར་ཏེ། བཅོམ་ལྡན་འདས་ལ་གསོལ་བ་འདེབས་སོ།། གདུག་པ་ཐམས་ཅད་རྣམ་འདུལ་བ།། འཇིགས་པར་བྱེད་པ་ཆེན་པོ
245a4 འདི།། རྡོ་རྗེ་ཁྲོ་བོ་ཆེན་པོ་ཡི།། དཀྱིལ་འཁོར་ཆེན་པོ་རྣམ་བཤད་ཕྱིར།། འཇིགས་བྱེད་ཆེན་པོ་རྣམས་འདུལ་བ།། དཀྱིལ་འཁོར་རྡོ་རྗེ་ཐམས་ཅད་ཀྱི།། ཁྲོ་བོ་དམ་ཚིག་དེད་དཔོན་གྱིས།། གསང་བ་ཆེན་པོ་ཉིད་ཀྱིས
245a5 ཤོད།། དེ་ནས་བཅོམ་ལྡན་འདས་བདེ་བ་ཆེན་པོ་དཔལ་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་འདྲེན་པའི་ཁྲོ་བོའི་དམ་ཚིག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་།
245a6 གསུང་དང་། ཐུགས་རྡོ་རྗེ་ཡེ་ཤེས་ལས་འདི་ཕྱུང་ངོ་།། ཨོཾ་བཛྲ་མ་ཧཱ་ཙཎྜ་སརྦྦ་དུཥྚཱཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། འདི་ཕྱུང་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་ཁྲོ་བོ་ཆེན་པོའི
iiif viewer powered by OpenSeadragon
