| e-texts navigator |
| Wylie |
23a1 བ།། སྐལ་ལྡན་རྣལ་འབྱོར་ལམ་གཞག་ཕྱིར།། རིམ་པ་ལྔ་ལས་རིམ་འབྱོར་བའི།། དབང་གི་ཁྱད་པར་བཤད་པར་བྱ།། འདི་ནི་སངས་རྒྱས་ཐམས་ཅད་ནི།། དབང་བསྐུར་གནས་པ་རྨད་བྱུང
23a2 བ།། དཀྱིལ་འཁོར་སློབ་དཔོན་སློབ་མ་དག། བྱིན་རླབས་ཏིང་འཛིན་ལས་ཚོགས་ཀྱིས།། སྐལ་ལྡན་རིམ་པར་དབང་བསྐུར་བས།། གོང་ནས་གོང་དུ་སྨིན་པར་བྱེད།། བརྒྱུད་པའི་རིམ་པ་དང་བྲལ་ན།། འཇུག་པའི
23a3 རིམ་པ་ཉམས་པར་འགྱུར།། འཁོར་བའི་རྒྱ་མཚོར་ལྟུང་བར་འགྱུར།། ཕྱི་ནང་གསང་བའི་ཁྱད་པར་དག། བཅུད་ཀྱི་ཐིག་ལེ་ཉམས་པ་ཡིན།། ཇི་སྙེད་ཕ་རོལ་བཤད་པ་ཡིས།། འཛིན་བྲལ་རང་རིག་ཉིད་དུ
23a4 མཉམ།། ཐིག་ལེ་རྩ་དང་ཐབས་ལྡན་ན།། རིགས་དང་ན་ཚོད་ལོ་གྲངས་དང་།། རབ་འབྲིང་ཐ་མ་ཁྱད་པར་དང་།། ཐིག་ལེ་སྐྱེ་བའི་ཞིང་དུ་མཉམ།། གོང་དུ་བཞི་ཡི་ཁྱད་པར་བརྟགས།། རིགས་དང་དད་པ་ལུས་ངག
23a5 སེམས།། རིམ་པ་ཇི་བཞིན་བརྟག་པར་བྱ།། དེ་ནས་རིགས་ཀྱི་བདག་པོ་ལ།། རྩོད་པ་མེད་པར་བླང་བར་བྱ།། ཐབས་ཀྱི་ཆོ་གས་ནན་ཏན་གྱིས།། བདག་ཉིད་དབང་དུ་གྱུར་པར་བྱ།། ཕྱི་ནང་གསང་བའི་སྔགས་རྫས
23a6 དག། སྐྱོན་མེད་དག་པར་སྦྱང་བར་བྱ།། ལུས་ངག་གསང་བའི་གནས་དག་ནི།། ཆོ་ག་ལྡན་པར་བྱིན་གྱིས་བརླབ།། གང་དུ་དགོས་པའི་ཆོས་མཐུན་ལྟར།། གཟུང་བའི་ཚུལ་དུ་བརྩམ་པར་བྱ།། བར་ཆད་མ་ལུས་ཞི།
iiif viewer powered by OpenSeadragon
