| e-texts navigator |
| Wylie |
235b1 གྲུབ་ཐོབ།། བླ་མས་མཐོ་རིས་བླ་མས་བདེ།། དེ་བས་ནན་ཏན་ཐམས་ཅད་ཀྱིས།། བླ་མའི་བཀའ་ལས་འདའ་མི་བྱ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་། ཐུགས་རྡོ་རྗེའི་བདག་པོ་ཀུན་ཏུ་བཟང
235b2 པོ་ཆེན་པོ་དཔལ་ཤིན་ཏུ་དགྱེས་པ་ཆེན་པོའི་བདེ་བ་ཆེན་པོ་རྡོ་རྗེ་སེམས་དཔའ་ཤིན་ཏུ་དགྱེས་པ་ཆེན་པོའི་བདེ་བ་གདོན་མི་ཟ་བའི་རྡོ་རྗེ་དམ་ཚིག་གི་དབང་བསྐུར་བའི་ཡེ་ཤེས་ཀྱི་དཀྱིལ་འཁོར་ཆེན་པོ་དེ་བཞིན
235b3 གཤེགས་པ་ཐམས་ཅད་ཀྱི་སྐུ་དང་གསུང་དང་། ཐུགས་རྡོ་རྗེ་མཆོག་གསང་བ་སྦས་པ་ཆེན་པོ་ཟླ་གསང་ཐིག་ལེའི་རྒྱུད་ཀྱི་རྒྱལ་པོ་ཤིན་ཏུ་དགྱེས་པ་ཆེན་པོའི་རྡོ་རྗེ་རྣལ་འབྱོར་མ་ཆེན་མོའི་ཚོགས་ཀྱི་དཀྱིལ་འཁོར་ཏེ
235b4 བཞི་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་འཁོར་དང་བཅས་པའི་འཁོར་ལོའི་ཚོགས་དང་། རྡོ་རྗེ་རྣལ་འབྱོར་ཕ་དང་། རྣལ་འབྱོར་མ་དང་། རྣལ་འབྱོར་གྱི་དབང་ཕྱུག་ཆེན་པོའི་ཚོགས
235b5 དང་། རྡོ་རྗེ་ནམ་མཁའ་ལ་འགྲོ་བ་དང་། ནམ་མཁའ་ལ་འགྲོ་མའི་ཚོགས་ཀྱི་གཡོག་རྣམས་མཆོག་ཏུ་དགའ་བ་ཆེན་པོ་སྐྱེས་ཏེ། ཅ་ཅོ་འབྱིན་ཅིང་དབྱངས་ཆེན་པོ་བརྗོད་པར་གྱུར་ཏེ།། ཀྱེ་མའོ་རྡོ་རྗེ་སེམས་དཔའ
235b6 ཡི།། རྡོ་རྗེ་ཤིན་ཏུ་དགྱེས་པ་ཆེ།། སྣ་ཚོགས་ཐབས་ནི་བདེ་བྱེད་ཆེ།། སྣ་ཚོགས་ཡེ་ཤེས་བདེ་བ་ཆེ།། ཀྱེ་མའོ་ཀུན་ཏུ་བཟང་པོ་ཡི།། དགེ་བའི་ཡེ་ཤེས་བདེ་བ་ཆེ།། གང་བདེ་ཕྱིར་ནི་རིག་མ་ཡི།། པདྨ་ལས་ནི་གནས་པ
iiif viewer powered by OpenSeadragon
