| e-texts navigator |
| Wylie |
234b1 གསུམ་རྣམ་པར་རྒྱལ་པ་ཡི།། མདོར་བསྡུས་གཟུངས་མའི་བཅིངས་པ་ཡིས།། འཇིག་རྟེན་གསུམ་ན་རྣམ་རྒྱལ་ཏེ།། སྐད་ཅིག་ཁམས་གསུམ་བདག་པོར་འགྱུར།། རྟག་པར་ཕན་ཚུན་འབྲེལ་བ་ཡིས།། དཔུང་པ་གཉིས
234b2 ནི་བསྐུམ་བྱས་ཏེ།། ཐམས་ཅད་སྒོ་ནི་འགེགས་པ་ཡིས།། མཆེ་བ་སྦོམ་པོ་རབ་ཏུ་སྦྱར།། གཡས་ཀྱི་བརྐྱང་བསྐུམ་ཚུལ་གྱིས་ནི།། གནོན་པའི་མནན་པས་བསྡིགས་བྱས་ཏེ།། མི་ཕྱེད་སྦྱོར་བས་བསྐུལ་བྱ་བ།། ཁྲོས་པའི
234b3 སེམས་ཀྱིས་མྱང་བར་བྱ།། གཡོན་པའི་བརྐྱང་བསྐུམ་སྦྱར་བ་ཡིས།། མྱུར་དུ་གནོན་པས་བཏེག་བྱ་ཞིང་།། མཐེའུ་ཆུང་བདེ་བའི་ལྕགས་ཀྱུ་ཡིས།། མཛུབ་མོ་ལྕེ་ལ་རེག་བྱས་ཏེ།། ས་བོན་ཚེག་དྲག་ཧྲི་ལྡན་པའི།། ཐིག
234b4 ལེའི་སྤྱི་བོར་བརྒྱན་བྱས་པས།། བདུད་རྩིའམ་རིག་མ་དྲང་བར་བྱ།། ལྕེ་ཡི་ཐོག་མར་སྤྲོ་བྱས་ཏེ།། འདྲེན་པའི་ཚུལ་གྱིས་དྲང་བར་བྱ།། རྡོ་རྗེ་གནོད་སྦྱིན་མཉམ་བཞག་སྟེ།། ཁ་ཡི་ཕྱོགས་སུ་མཆེ་བ་ཡི།། སྦོམ་པོ་ལྕེ
234b5 དང་འདྲ་བྱས་ཏེ།། ཁྲོས་པས་མཆེ་བའི་སྦྱོར་བ་ཡིས།། སོར་མོ་ཐོད་པ་བཞིན་བྱས་ནས།། ཁྲག་མང་པོ་ནི་བཏུང་བར་བྱ།། ཡི་གེ་དང་པོ་ཨོ་དང་ལྡན།། སྤྱི་བོར་ཐིག་ལེ་ལྡན་བྱས་ཏེ།། འོག་གི་ཕྱོགས་སུ་ར་ཡིས
234b6 གདགས།། ཨུ་འདྲེན་ང་རོས་བརྒྱན་པར་བྱ།། འདི་ནི་ཁྲོ་བོའི་སྙིང་པོ་སྟེ།། མཆོག་ཏུ་ཐམས་ཅད་ལས་བྱེད་པའོ།། གསོད་པ་དང་ནི་འདྲེན་པ་ཀུན།། དབང་དང་དབང་རྣམས་བྱེད་ལ་སོགས།། དེ་ལ་སོགས་པའི་ལས
iiif viewer powered by OpenSeadragon
