| e-texts navigator |
| Wylie |
22b1 འོག་རང་བཞིན་དྲོད་བསྐུལ་བས།། འབྱུང་བ་དྲོད་ལྡན་འབྱུང་བ་ཡིས།། རང་བྱུང་བདེ་བའི་འཁོར་ལོ་རིམ།། ཐོགས་མེད་འབྱུང་བར་ཐེ་ཚོམ་མེད།། རང་བྱུང་འཁོར་ལོ་བཞིའི་ཡུལ་ལ། ཏིང་འཛིན་བལྟ་བས་གང
22b2 བསྐུལ་བ།། གནས་བཞི་ཐིག་ལེ་བདེ་བའི་རོ།། གསལ་འགྲུབ་མཉམ་པ་ཆེན་པོར་མཐོང་།། དྷརྨྨ་ཙཀྲ་སྙིང་འཁོར་ལོ།། དྲངས་མ་ལྔ་དང་ས་བོན་དྲུག། རྩ་བཞི་འོད་དང་སྙིང་པོ་གསུམ།། ཐུགས་ལས་འོད་བྱུང་རིམ
22b3 བསྐུལ་བས།། བསྲེག་བཞུ་རིམ་ཐིམ་གནས་ཐིག་ལེའི།། ནམ་མཁའི་ཡེ་ཤེས་གསལ་བར་མཐོང་།། རང་བྱུང་ཡེ་ཤེས་ཐིག་ལེའི་དབྱིངས།། རྐྱེན་བྲལ་ཐིག་ལེ་མེད་པ་སྟེ།། ཐབས་ལྡན་འཛག་པས་བདེ་བ་བསྐྱེད།། དེ
22b4 ཉིད་བདེ་བས་ཐིག་ལེའི་དབྱིངས།། ལུས་ནི་ལྷ་སྟེ་བདེ་ཆེན་པོ།། དཀའ་ཐུབ་གདུག་སྩོགས་བྱ་བ་མིན།། འདོད་ལྔ་ཐབས་ཀྱི་བཅུད་ཆེན་གྱིས།། རྟག་ཏུ་ཐབས་ཀྱིས་མཆོད་པར་བྱ།། རྣལ་འབྱོར་སྐབས་ཀྱི་ལས་ལྡན
22b5 ལ།། ལུས་དང་དབང་པོ་དར་བ་དང་།། འདོད་རྟེན་བརྟུལ་ཞུགས་ལྡན་པ་ཡི།། གང་ཟག་ཕོ་མོ་སྤྱོད་ཡུལ་ཡིན།། ཐུན་མོང་མིན་པའི་དམ་ཚིག་འདི།། དམན་དང་དཀའ་ཐུབ་དྲན་པ་དང་།། རྒས་དང་རྒུད་དང་བྱ་བ
22b6 མང་།། འདོད་པ་བྲལ་མཐའི་བཏང་སྙོམས་པ།། མ་རབས་རྣམས་ཀྱི་སྤྱོད་ཡུལ་མིན།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས།། གསང་བ་དམ་ཚིག་གི་ལེའུ་སྟེ་དགུ་པའོ།། །། དེ་ནས་གཞན་ཡང་བཤད་བྱ
iiif viewer powered by OpenSeadragon
