| e-texts navigator |
| Wylie |
22a1 རྒྱ་རང་གི་ལྷ།། སྒོ་གསུམ་བར་ཆད་མེད་པ་ནི།། གསུང་གི་དམ་ཚིག་གསང་བའོ།། མ་ལུས་དམ་པར་བྱིན་རློབ་པའི།། རྡོ་རྗེ་འདུས་པའི་ཆུ་བོ་འདི།། སྐལ་ལྡན་འགའ་ཡི་སྤྱོད་ཡུལ་ཏེ།། སྤེལ་ན་དམ
22a2 ཚིག་ཉམས་པར་འགྱུར།། ཞིང་བཅུ་ཐབས་ཀྱིས་སྒྲོལ་བ་དང་།། མ་བྱིན་པར་ནི་ལེན་པ་དང་།། རྫུན་དུ་སྨྲ་བར་བྱ་བ་དང་།། གཟུངས་མ་དག་ལ་སྦྱར་བ་དང་།། བླང་བའི་དམ་ཚིག་སྤྱད་པ་ནི།། རྣལ་འབྱོར་སྐྱེས་བུར
22a3 ཤེས་པར་བྱ།། ཉོན་མོངས་ལྔ་དང་འདོད་ཡོན་ལྔ།། རྟེན་དང་ཤེས་པ་ལ་སོགས་པ།། རྣལ་འབྱོར་སྐྱེས་བུས་ཉམས་སུ་བླངས།། འདི་ནི་ཐུན་མོང་དམ་ཚིག་སྟེ།། རྣལ་འབྱོར་པ་ཡིས་བསྲུང་བར་བྱ།། བདུད་རྩི་ལྔ་དང་ཤ
22a4 ལྔ་དང་།། འབྱུང་ལྔ་ལུས་ཀྱི་བདུད་རྩི་དག། འཁོར་ལོ་ཐབས་ཀྱི་ཁྱད་པར་དག། བཅུད་ནི་གསང་བར་བརྟེན་པར་བྱ།། དཀའ་ཐུབ་ཅན་དང་ཐ་མལ་དང་།། འཇིག་རྟེན་གྲགས་པས་སྤངས་པ་ཡི།། སྤྱད་པ་དང་ནི་རྟེན
22a5 པ་དང་།། རང་ཉམས་ཐབས་དང་ལྡན་པས་སྤྱད།། རང་ལུས་བཅུད་ཀྱི་བདུད་རྩི་ཡིས།། རང་རིག་བདེ་ཆེན་མི་རྟོག་པ།། གསང་བ་ཐབས་ཆེན་ལྡན་པ་ཡིས།། བདུད་རྩིའི་བཅུད་ཀྱིས་ཡིད་ཚིམ་བྱ།། ནམ་མཁའི་བདུད
22a6 རྩི་མྱང་བ་ལས།། ཟག་མེད་བདེ་བས་ཁྱབ་པ་ན།། ཚེ་དང་མངོན་ཤེས་རྫུ་འཕྲུལ་དང་།། དངོས་གྲུབ་མཆོག་ནི་འབྱུང་བར་འགྱུར།། བསྐྱོད་པ་རླུང་གི་ཕྱག་རྒྱ་ལས།། ཐམས་ཅད་ལྡན་པས་བསྐུལ་བསྐྱོད་པས།། སྟེང
iiif viewer powered by OpenSeadragon
