| e-texts navigator |
| Wylie |
21b1 པོ་ནི།། ཡོན་ཏན་རྫོགས་པའི་བདག་ཉིད་དེ།། མ་ལུས་བདེ་བར་རྒྱས་ཐེབས་པས།། ཐམས་ཅད་གཅིག་པའི་ཕྱག་རྒྱར་གསལ།། བདེ་ཆེན་ཐིག་ལེའི་ཕྱག་རྒྱ་འདིས།། ཇི་སྙེད་ཕྱི་ནང་དངོས་པོ་དག། ནམ་མཁའི
21b2 དབྱིངས་དང་མཉམ་པ་དག། མ་ཐེབས་པ་ནི་ཡོད་མ་ཡིན།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས།། གསང་བ་གསུམ་བཀོད་ཅིང་རྒྱས་བཏབ་པའི་ལེའུ་སྟེ་བརྒྱད་པའོ།། །། དེ་ནས་གཞན་ཡང་བཤད་བྱ
21b3 བ།། ཐུན་མོང་ཐུན་མོང་མ་ཡིན་པའི།། གསང་བའི་དམ་ཚིག་ཁྱད་པར་དག། དེ་ནས་རིམ་པར་བཤད་པར་བྱ།། གང་ཞིག་གང་གིས་གང་ཐོབ་པ།། ལུས་དང་ངག་སེམས་ཅི་འཚམས་པར།། བསྲུང་བྱ་མ་ལུས་འདིར
21b4 འདུས་པ།། དེ་དག་དམ་ཚིག་མདོར་བཤད་པའོ།། འཁོར་བ་ཐབས་ཀྱིས་གཉེན་པོ་སེལ།། སངས་རྒྱས་འཁོར་ལོ་བསྟོད་བྱེད་ཅིང་།། དབང་བསྐུར་ཐབས་ཀྱིས་ཐོབ་པ་དང་།། བདུད་རྩི་སྙིང་ལ་འཇོག་པ་དང་།། དམ
21b5 པ་གསལ་བར་སྟོན་པ་དང་།། སློབ་དཔོན་སངས་རྒྱས་མཉམ་པར་བཤད།། མི་འབྲལ་སྲོག་གིས་བསྡུས་པ་ཡི།། དང་པོ་ནས་གསུང་མཐར་ཐུག་པར།། མེ་དང་འོད་དག་གཅིག་པ་ལྟར།། རིག་པར་སྒོ་གསུམ་བཀུར
21b6 བར་བྱ།། བླ་ན་མེད་པ་བྱང་ཆུབ་སེམས།། རིམ་པ་བཞིན་དུ་བསྐྱེད་པར་བྱ།། བླངས་བསྟན་མཐར་རྫོགས་སྙིང་པོའི་བར།། བརྟན་ཞིང་ངེས་པར་གཟུང་བར་བྱ།། གསང་བ་ཐབས་ཀྱི་རྒྱས་བཏབ་ནས།། མ་ལུས་ཕྱག
iiif viewer powered by OpenSeadragon
