| e-texts navigator |
| Wylie |
217a1 དག་ཐམས་ཅད་གསང་བའི་གཟུངས་དང་གཡོག་ཏུ་བཅས་པ་རྣམས་ཀྱིས་ཡོངས་སུ་བསྐོར་བ། བྱང་ཆུབ་སེམས་དཔའི་འཁོར་ཆེན་པོ་དང་བཅས་པ་རྣམས་ཀྱིས་མདུན་དུ་བྱས་པ་མ་ལུས་པ་ལུས་པ་མེད
217a2 པའི་ནམ་མཁའ་ལ་འགྲོ་བ་དང་། ནམ་མཁའ་ལ་འགྲོ་བའི་ཚོགས་དང་ལྡན་པ། ཕྱི་ནང་གི་ཕོ་ཉ་དང་ཕོ་ཉ་མོ་རབ་ཏུ་རྒྱས་པ་རྣམས་ཤིན་ཏུ་ངོ་མཚར་རྨད་དུ་གྱུར་ཏེ། དགྱེས་ཤིང་སྤྱན་ནི་རྒྱས་པ་ཡིས།། བཞེངས་ནས
217a3 དགྱེས་པ་ཆེན་པོ་ཡི།། བརྗིད་པའི་ཕྱག་གིས་གར་མཛད་ཅིང་།། ཐལ་མོ་སྦྱར་ནས་གཙུག་ཉིད་དུ།། བཞག་པ་ཡིས་ནི་འདུད་པར་བྱེད།། སྐུལ་པ་ཡིས་ནི་དབྱངས་འདི་ཡིས།། དེ་དག་གཙོ་ལ་མཉེས་པར་བྱེད།། ཀྱེ
217a4 མའོ་ཆོས་ནི་ངོ་མཚར་ཆེ།། ཀྱེ་མའོ་སྤྱོད་པ་ངོ་མཚར་ཆེ།། ཀྱེ་མའོ་སྦས་པ་ངོ་མཚར་ཆེ།། ཀྱེ་མའོ་བདེ་བ་ཡང་དག་འབྱུང་།། ཀྱེ་མའོ་ཀུན་ཏུ་བཟང་པོའི་དོན།། ཀྱེ་མའོ་རབ་དགྱེས་ཡང་དག་འགྲོགས།། ཀྱེ་མའོ་བདེ་བ
217a5 དག་པ་ཆེ།། ཀྱེ་མའོ་བདེ་བ་བདེ་མཆོག་སྟེ།། ཀྱེ་མའོ་སྔགས་ཀྱི་ཡང་དག་སྦྱོར།། ཀྱེ་མའོ་སྙིང་པོ་ཡང་དག་བསྡུས།། ཀྱེ་མའོ་ཕྱག་རྒྱ་མཉམ་པར་བཞུགས།། ཀྱེ་མའོ་སྒྲུབ་པ་རྨད་འབྱུང་བའོ།། ཀྱེ་མའོ་ཕ་རོལ་ཕྱིན་མ
217a6 ཡིན།། ཀྱེ་མའོ་ཇི་ལྟར་མཐུར་རིག་མའི།། ཀྱེ་མའོ་སྣ་ཚོགས་དགོས་པ་ཆེ།། ཀྱེ་མའོ་དག་པ་གསུམ་སྦྱར་བ།། ཀྱེ་མའོ་རྡོ་རྗེ་མཉམ་སྦྱོར་བའི།། ཀྱེ་མའོ་པདྨ་རྣམས་ཕྱེ་བས།། ཀྱེ་མའོ་དབང་པོ་གཉིས་སྦྱོར་བའོ།། ཀྱེ
iiif viewer powered by OpenSeadragon
