| e-texts navigator |
| Wylie |
20b1 སུམ་སྟེ།། ཐབས་བྲལ་ལམ་རྒྱས་བཏབ་པ་ཡིན།། སྟེང་འོག་ལམ་ལ་གོམས་བྱས་ཤིང་།། མེ་རླུང་སེམས་ལ་གསལ་བརྟན་ན།། རྣམ་སྨིན་སྙིགས་མར་བཅས་པ་འདི།། རྡོ་རྗེའི་ལུས་འགྱུར་ཐེ་ཚོམ་མེད།། འབྱེད་དང
20b2 སྡུད་དང་གཡོ་དང་བསྐྱོད།། འབེབས་དང་འདྲེན་དང་ཁྱབ་པ་དང་།། གནོད་དང་འབྱུང་སོགས་ལས་བྱེད་པ།། བསྐྱོད་པ་རླུང་གི་ཕྱག་རྒྱར་འདོད།། འབར་དང་སྨིན་དང་བཞུ་བ་དང་།། གསང་དང་བདེ་བ་ཟད་བྱེད
20b3 ཅིང་།། ལུས་གནས་ལ་སོགས་ལས་བྱེད་པ།། སྦྱོར་བ་མེ་ཡི་ཕྱག་རྒྱ་བཤད།། སྔ་མའི་ལམ་ནི་གོམས་པ་ལས།། འཁོར་ལོ་འབྱུང་བའི་ཕྱག་རྒྱ་མཆོག། འཛག་དང་བསིལ་དང་འབྱུང་བ་དང་།། གང་དང་མྱང་དང
20b4 འགགས་ལ་སོགས།། བཅུད་ཀྱི་གསོ་བའི་ཐིག་ལེའི་ཆུ།། མ་ལུས་བདེ་བ་ཆེན་པོ་སྟེ།། ཁྱབ་པ་རང་རིག་མི་རྟོག་པ།། རང་བྱུང་ཡེ་ཤེས་རྒྱུ་འབྲས་འདས།། བདེ་བ་ཆེན་པོ་ནམ་མཁའི་ཁམས།། མ་ལུས་འདུས
20b5 པའི་ཐིག་ལེ་ནི།། དྭངས་མའི་སྙིང་པོ་བདེ་ཆེན་པོ།། གསང་བའི་ཐབས་ལ་བརྟེན་པ་ཡིན།། མ་ལུས་བདེ་བ་ཆེན་པོར་འགྱུར།། དྲངས་སྙིགས་ཕྱེ་བའི་ཐིག་ལེ་ཡིས།། ཁུ་བ་རྩི་ཡི་ཚུལ་དག་གིས།། ཁྱབ་པས་བདེ་ཆེན
20b6 དངོས་མེད་པར།། རང་བྱུང་ནམ་མཁའ་ལྟ་བུར་བཤད།། གསང་ཡུམ་སྙིང་པོ་འདུས་མ་བྱས།། བདེ་བ་རང་རིག་དངོས་མེད་གསལ།། གཉིས་མེད་ཐིག་ལེ་འཕྲོ་འདུ་མེད།། མཉམ་པ་ཆེན་པོ་ཆོས་ཀྱི་དབྱིངས།། ཐབས
iiif viewer powered by OpenSeadragon
