| e-texts navigator |
| Wylie |
20a1 ལ།། ཐབས་མཆོག་མོས་དང་འཚམས་པ་བཞིན།། བྱ་བྱེད་མེད་པར་རང་སྣང་བ།། བདེ་བ་ཆེན་པོའི་མཛད་པ་ཡིན།། བསྐུལ་བའི་ཚུལ་གྱིས་ལན་བླན་པ།། འདུས་པས་སྦྱར་བས་ཉམས་སྐྱེས་པ།། ཐུན
20a2 མོང་མ་ཡིན་སྟེང་འོག་ཐབས།། བསྐུལ་བའི་རང་བཞིན་བསྟན་པ་ཡིན།། འགྲོ་བ་ཆགས་ཅན་གང་ཟག་ལ།། ཐབས་ཆེན་གསང་བ་འདི་བསྟན་པས།། མེ་ཏོག་ལ་ནི་ཆུ་བཞིན་དུ།། བདེ་ཆེན་འབྲས་བུ་ཐེ་ཚོམ
20a3 མེད།། རང་བཞིན་དམན་དང་ཐེག་པ་དམན།། དབང་དང་མན་ངག་མེད་པ་ལ།། བསྐལ་པ་བྱེ་བར་ཅི་བསྟན་ཀྱང་།། དོན་མེད་ངན་འགྲོར་ལྟུང་བར་འགྱུར།། གསང་ཡུམ་ཐབས་ཀྱི་སྤྱོད་པ་ཡིས།། ཤེས་རབ་གསུམ
20a4 ལ་ཉམས་སྦྱར་ན།། སྐལ་ལྡན་རྣལ་འབྱོར་ཕོ་མོ་རྣམས།། ཆོས་འདིས་གྲོལ་བར་ཐེ་ཚོམ་མེད།། ཐ་མལ་ཕྱག་རྒྱ་རང་འགྱུར་ཞིང་།། ལུས་ཅན་ཐབས་ཀྱིས་མངོན་སྦྱར་བས།། ཕྱི་ནང་སྣོད་བཅུད་མ་ལུས་པ།། བདེ་ཆེན
20a5 ཕྱག་རྒྱར་ཐེ་ཚོམ་མེད།། བདེ་ཆེན་ལས་བྱུང་འབྱུང་བཟློག་རྣམས།། བདེ་ཆེན་ཐིག་ལེས་བགྲོད་པའི་ལམ།། གསང་བའི་འབྲས་བུ་མངོན་ཐོབ་ལམ།། བཅུ་དྲུག་ཆ་ལ་རང་གནས་པའོ།། ཉི་ཟླ་འབར་བའི་དྲོད་གཤེར
20a6 ལས།། ལུས་སེམས་ཞིང་ས་ས་བོན་ལས།། དངོས་གྲུབ་ལོ་ཐོག་ཕུན་སུམ་ཚོགས།། མ་ལུས་ཀུན་གྱི་གཞིར་འགྱུར་བ།། ཐིག་ལེས་ཕྱོགས་ཆ་ཀུན་ཁྱབ་པ།། ལུས་ཅན་རྩ་ལ་རྒྱུ་བ་ཉིད།། ཐབས་ཆེན་ལྡན་པས་མངོན
iiif viewer powered by OpenSeadragon
