| e-texts navigator |
| Wylie |
200b1 གཞན།། སངས་རྒྱས་ཀུན་གྱི་ཨཱ་ལི་འདི།། སངས་རྒྱས་བྱང་ཆུབ་རབ་སྦྱིན་བྱེད།། བདག་ཉིད་ལའམ་ཡང་ན་གཞན།། ཕྱག་རྒྱ་འདི་ཡིས་རྒྱས་བཏབ་སྟེ།། བསྒྲུབ་བྱའི་དཀྱིལ་འཁོར་བསྒྲུབ་བྱས་ན།། དངོས་གྲུབ་མྱུར
200b2 དུ་ཐོབ་པར་འགྱུར།། འདི་ནི་དཀྱིལ་འཁོར་རྣམས་ཀྱི་མཆོག། ཡི་གེའི་ཕྱག་རྒྱ་མངོན་གནས་པའི།། འཛིན་པའི་བསོད་ནམས་ཅི་འདྲ་བ།། བྲིས་པ་ཡིས་ཀྱང་ཁྱད་པར་འགྱུར།། ཨེ་མའོ་བདེ་བ་ཡེ་ཤེས་ཆེ།། དེ་ཡི་ཡེ
200b3 ཤེས་ཚེ་འདི་ལ།། འདོད་བྱེད་བདེ་བ་སྟེན་བྱེད་ཅིང་།། འདི་ཡི་ཚུལ་གྱིས་ཐོབ་པར་འགྱུར།། ཁམས་གསུམ་མཆོག་གི་དཀྱིལ་འཁོར་འདིར།། འདི་ལས་རྒྱ་ཆེ་མཆོག་གཞན་མེད།། སྒྲུབ་པ་པོ་ཡི་སེམས་ཅན་ཀུན།། ཚེ
200b4 འདི་ཉིད་ལ་སངས་རྒྱས་འགྲུབ།། ཟླ་གསང་ཐིག་ལེའི་གསང་བའི་རྒྱལ་པོ་ཆེན་པོ་ཤིན་ཏུ་དགྱེས་པ་རྡོ་རྗེ་གདོན་མི་ཟ་བའི་དམ་ཚིག་གི་དཀྱིལ་འཁོར་ཆེན་པོ་རྒྱས་པ་མཆོག་ཏུ་གསང་བ་ལས། དེ་བཞིན་གཤེགས
200b5 པཔཐམས་ཅད་ཀྱི་རྡོ་རྗེ་བཙུན་མོ་རྣམས་ཀྱི་གསང་བ་ཆེན་པོ་རྣལ་འབྱོར་མའི་དབང་ཕྱུག་ཆེན་པོ་རྣམས་ཀྱི་མཆོག་ཏུ་གསང་བའི་ཡེ་ཤེས་ཀྱི་དཀྱིལ་འཁོར་ཏེ་དང་པོ་རྫོགས་སོ།། །། དེ་ནས་བཅོམ་ལྡན་འདས་དེ
200b6 བཞིན་གཤེགས་པ་ཐམས་ཅད་ངོ་མཚར་དུ་གྱུར་ཏེ། དགྱེས་པའི་ཡིད་བདེ་བ་དང་། མགུ་བ་དང་། ཡིད་དགའ་བ་བསྐྱེད་ནས་གར་དང་ཤིན་ཏུ་དགྱེས་པ་ཆེན་པོའི་རྡོ་རྗེ་བཞད་པ་མཛད་ཅིང་ཡང་ཤིན་ཏུ་དགྱེས་པ་ཆེན
iiif viewer powered by OpenSeadragon
