| e-texts navigator |
| Wylie |
19b1 ནི།། མཐར་ཐུག་ཡེ་ཤེས་ཉིད་དུ་བཤད།། རང་གནས་ཐབས་ཀྱིས་གོམས་པ་ལས།། དགྱེས་པ་ཆེན་པོའི་ངོ་བོ་ནི།། གསང་བ་ཡུམ་གྱི་བདག་ཉིད་དེ།། དམན་པ་རྣམས་ཀྱི་སྤྱོད་ཡུལ་མིན།། རང་བཞིན་ཕྱག་རྒྱ་ཆེན་པོ
19b2 ནི།། བྱེ་བྲག་དུ་མ་གཉིས་གནས་པ།། རང་བྱུང་རྟེན་གྱི་ཐིག་ལེ་ཉིད།། ལུས་ཅན་ཀུན་ལ་རབ་གནས་པ།། བདེ་བ་ཆེན་པོའི་རྒྱས་བཏབ་པའོ།། ཐབས་ཆེན་སྤྱི་ཡི་མཚན་ཉིད་ནི།། སྟེང་འོག་ཐབས་ལས་འབྱུང་བ
19b3 ཡི།། རླུང་དང་ཐིག་ལེ་གོམས་པ་ཡིས།། རྣལ་འབྱོར་རྣམས་ལ་རྒྱས་བཏབ་པའོ།། རང་བྱུང་བདེ་ཆེན་དམ་ཚིག་ནི།། ཐབས་དང་ཤེས་རབ་ལྡན་པ་ཡི།། ཐུགས་ཀྱི་ངོ་བོ་མི་གཡོ་བ།། ཕྱག་རྒྱ་ཆེན་པོར་ཡང་དག
19b4 བཤད།། གསུང་མཆོག་ཆོས་ཀྱི་ཕྱག་རྒྱ་ནི།། གཉིས་མེད་བཅུད་ལས་ཐིག་ལེའི་རྒྱུན།། ཕྱེད་འབྱུང་བརྟན་པ་རང་གསལ་བ།། མ་སྐྱེས་དོན་གྱི་གསུང་སྒྲོགས་པའོ།། ཐབས་དང་ཤེས་རབ་གཉིས་མེད་པའི།། རྐྱེན
19b5 དང་ཐབས་ཀྱི་ཕྱག་རྒྱ་ཡིས།། ཡེ་ཤེས་སྐྱེས་པའི་ལམ་ཡིན་ཏེ།། བསྐྱོད་ཅིང་རྒྱས་འདེབས་དོན་དུ་འདོད།། ཐབས་ཀྱི་ཕྱག་རྒྱ་ཆེན་པོ་ནི།། མ་ལུས་ལྷ་ཡི་རང་བཞིན་ལ།། ཐབས་ཀྱི་བདེ་ཆེན་རྒྱས་བཏབ་པས།། མཐའ
19b6 དབུས་མེད་པར་གསལ་བ་ལས།། རང་བྱུང་ཐབས་དང་བཅས་པ་ཡི།། རང་རིག་བདེ་ཆེན་འབར་བ་ཡིས།། ཐམས་ཅད་མ་ལུས་ཁྱབ་པ་ཡི།། རང་རིག་བདེ་ཆེན་ཕྱག་རྒྱར་གསལ།། འདུལ་བའི་སྐྱེ་བོ་དཔག་མེད
iiif viewer powered by OpenSeadragon
