| e-texts navigator |
| Wylie |
19a1 ཞུགས་ཤིང་།། སློབ་དཔོན་བསྟེན་ཅིང་དབང་ཐོབ་པ།། ཆགས་པ་ཅན་གྱི་གང་ཟག་ལ།། རྒྱུད་ཆེན་འདི་དག་བསྟན་པར་བྱ།། གསང་བ་ཐབས་ཀྱི་མེ་ལོང་སྟེ།། ཟབ་མོ་མངོན་ཕྱུང་བཤད་དུ
19a2 གསོལ།། ཐབས་དང་ཤེས་རབ་རྣལ་འབྱོར་པའི།། བདེ་བ་མཆོག་ལ་གནས་འདོད་པས།། དེ་ཡི་སྤྱོད་ཡུལ་བསྟན་པ་ཡིན།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གསང་བ་སྔགས་ཀྱི་ལེའུ་སྟེ་བདུན
19a3 པའོ།། །། དེ་ནས་གཞན་ཡང་བཤད་བྱ་བ།། གསང་བ་གསང་ཆེན་མཐར་ཐུག་པ།། དེ་དག་ཁྱད་པར་གང་ཡིན་པ།། བདག་ཉིད་ཆེན་པོས་བཤད་པར་བྱ།། སངས་རྒྱས་སྐུ་དང་གསུང་དང་ཐུགས།། གསང་བ
19a4 གསུམ་དུ་བསྟན་པ་སྟེ།། ཉན་ཐོས་ལ་སོགས་སྐལ་དམན་པས།། ཡུལ་མིན་མ་རྟོགས་དོན་ཕྱིར་རོ།། ཐམས་ཅད་རང་བཞིན་གང་ཡིན་པ།། བདེ་ཆེན་ཐིག་ལེའི་ངོ་བོ་སྟེ།། ཐོག་མ་ཐ་མར་དྲི་མེད་པ།། རང་བྱུང་གསང
19a5 བཔབ་ཉིད་དུ་བཤད།། གང་ཕྱིར་དམན་ལ་སྦས་པ་ཡི།། ཐབས་ཆེན་གསང་བ་ཟབ་མོ་ཡིས།། ཐབས་ཆེན་དངོས་ཉིད་གསལ་འགྱུར་བ།། གསང་ཆེན་ཐུགས་ཀྱི་རྒྱས་བཏབ་པའོ།། ཐབས་དང་ཤེས་རབ་ལྡན་པ
19a6 ཡི།། དབྱེར་མེད་བདེ་བ་ཆེན་པོ་ནི།། གང་གིས་གང་ལ་རྒྱས་བཏབ་པ།། དེ་དང་དེ་ཡི་ངོ་བོར་འགྱུར།། མཐའ་དང་དབུས་བྲལ་རང་རིག་ཉིད།། དེ་བཞིན་བདེ་བ་ཆེན་པོ་ཉིད།། གཉིས་མེད་ཟུང་དུ་འཇུག་པ
iiif viewer powered by OpenSeadragon
