| e-texts navigator |
| Wylie |
18b1 རྟེན་པའི།། རང་རང་མཐུ་ཅན་བྱིན་བརླབས་པ།། བརྗོད་དང་འདས་པ་དོན་བྱེད་པ། འདི་ནི་འདས་པ་དོན་གྱི་སྔགས།། རང་སྔགས་གསང་བ་གསང་ཆེན་འདི།། ཀུན་གྱི་སྤྱོད་ཡུལ་མ་ཡིན་ཏེ།། དབང་དང་མན་ངག
18b2 ལྡན་པ་ཡིས།། ཡིད་བཞིན་ནོར་བུ་བཞིན་དུ་འགྲུབ།། གནས་གསུམ་ཁྱབ་འཇུག་ཡི་གེ་ལས།། འོད་ཟེར་འཕྲོ་བའི་ཚོགས་ཆེན་པོ།། ཁམས་གསུམ་བྱིན་རླབས་གཟི་བྱིན་བསྡུས།། རང་བཞིན་རྡོ་རྗེ་གསུམ་གནས
18b3 པ།། རྒྱུ་གཉིས་ཚུལ་གྱིས་རང་བཞིན་གནས་པའོ།། རང་བཞིན་ཐབས་ཀྱིས་བྱིན་རླབས་པ།། གནས་གསུམ་གསང་བའི་འཕྲོ་འདུ་ཡིས།། མ་ལུས་ཁྱབ་པ་བྱིན་རླབས་པ།། རྡོ་རྗེ་གསུམ་དུ་བྱིན་གྱིས་བརླབས།། ལྟེ་བ
18b4 རྣམ་གཉིས་ཟླ་བ་ལ།། སྔོ་ལྗང་ཡི་གེ་སྭཱ་ཧཱ་ཉིད།། རྗེས་མཐུན་འོད་ཀྱི་ཡོན་ཏན་ལས།། ཡན་ལག་རྫོགས་པའི་གཟི་བྱིན་ལྡན།། རང་སེམས་དྭངས་མའི་ཐིག་ལེ་ཉིད།། མ་ལུས་འཕྲོ་འདུའི་རྩ་བ་སྟེ།། དཔལ་བེའུའི་སྙིང
18b5 པོ་འོད་ཀྱི་མཆོག། ཡེ་ཤེས་སྙིང་པོའི་རང་བཞིན་ནོ།། དམ་པའི་ཐབས་ཆེན་ཀུན་འདུས་པས།། རྣལ་འབྱོར་གང་ཡང་རུང་བ་ཡིས།། བླ་མ་སློབ་དཔོན་མཉེས་བྱས་ཤིང་།། དམ་ཚིག་ཆོ་ག་ལྡན་པ་ཡིས།། ཇི་ལྟར
18b6 བསྒྲུབས་ཀྱང་འགྲུབ་པར་འགྱུར།། དུས་གསུམ་རྒྱལ་བས་བྱིན་རླབས་པ།། ཐམས་ཅད་བདེ་ཆེན་འཁོར་ལོ་མཆོག། གསང་ཆེན་ཐུགས་ཀྱི་སྙིང་པོ་སྟེ།། སྒྱུ་འཕྲུལ་རོལ་པ་ཐལ་པའི་རྒྱུད།། གསང་བའི་དམ་ཚིག་ལ
iiif viewer powered by OpenSeadragon
