| e-texts navigator |
| Wylie |
18a1 ཡིན།། གསང་བའི་ཡེ་ཤེས་བསྐྱོད་པའི་ཕྱིར།། རིམ་ནས་རིམ་པར་ཐིམ་པར་བྱ།། ཐབས་ཀྱིས་རང་བྱུང་བདེ་སྐྱེས་པ།། མ་སྐྱེས་རང་བྱུང་བརྗོད་དུ་མེད།། བདེ་ཆེན་རང་རིག་མི་རྟོག་པ།། ངེས་སྐྱེས་ཕྱིར
18a2 མི་ལྡོག་པར་བསྟན།། འཁོར་ལོ་གསང་བའི་གཞལ་ཡས་ཁང་།། ལྷ་ཉིད་ཐིག་ལེ་ཆེན་པོ་སྟེ།། སྐུ་གསུང་ཐུགས་ནི་བདེ་བའི་མཆོག། ཐམས་ཅད་ཟབ་མོའི་རང་བཞིན་ནོ།། ཐབས་དང་ཤེས་རབ་དབྱེར་མེད་པ།། སྣོད
18a3 བཅུད་རང་བཞིན་སྐུ་གསུང་ཐུགས།། གསལ་ཞིང་ཐིམ་པར་གང་མཐོང་བ།། དབྱེར་མེད་སྐུ་གསུང་ཐུགས་ཐོབ་པའོ།། ཐེག་ཆེན་གསང་སྔགས་རང་བཞིན་ནོ།། ཐམས་ཅད་བདེ་ཆེན་ཐིག་ལེའི་མཆོག། སྤང་གྲུབ་མེད
18a4 པའི་རང་བཞིན་ཉིད།། ཤེས་ཕྱིར་སྐྱོབ་པས་སྔགས་ཞེས་བྱ།། ཕྱོགས་བཅུའི་སངས་རྒྱས་ཐམས་ཅད་ཀྱི།། ཡེ་ཤེས་ཐིག་ལེ་མངོན་ཕྱུང་བ།། འཁོར་ལོ་ལ་ནི་ཐིམ་མཛད་ནས།། ཡེ་ཤེས་ལྔ་ཡི་རྒྱས་བཏབ་པོ།། མི་བསྐྱོད
18a5 བྱེད་པོ་ཡུམ་དང་བཅས།། རྡོ་རྗེ་འཛིན་པའི་ཕྱག་རྒྱ་ལྡན།། བྱམས་པ་ས་སྙིང་དེ་བཞིན་ནོ།། གཞན་དག་རང་གི་ཕྱག་རྒྱ་སྟེ།། གཤིན་རྗེ་གཤེད་ལ་རྟག་པར་བཤད།། ཐུབ་ཆེན་རྡོ་རྗེ་འཛིན་འཆང་བ།། ཟླ་དང་བྲལ་བ
18a6 དཔའ་བོ་ཆེ།། རང་རང་རིགས་ཀྱི་ཆོ་ག་དག། རིག་པ་ཇི་བཞིན་མཁས་པས་བརྟགས།། ཐུན་མོང་ཐུན་མོང་མ་ཡིན་པ།། སྐྱེ་ཞིང་འབྱུང་བས་རྩ་བ་སྟེ།། གང་སྐྱེའི་རྐྱེན་ཏེ་དེ་ཡི་སྔགས།། འཇིག་རྟེན་འདས་ཏེ་འཇིག
iiif viewer powered by OpenSeadragon
