| e-texts navigator |
| Wylie |
186a1 ཆོ་ག་བཞིན་དུ་འཐོབ།། སེམས་ཅན་དོན་དུ་ལས་དག་བྱེད་པ་མ་ཡིན་པས།། རྒྱལ་བ་དག་གིས་རྣམ་པར་དག་པ་འདི་ལ་ནི།། བགེགས་མེད་དེ་བཞིན་དུ་ནི་བདུད་ཀྱང་མེད་པ་སྟེ།། རྟོག་པ་ཡིས་ཀྱང
186a2 དངོས་གྲུབ་འཕེལ་སྟོབས་བྱིན་གྱིས་རློབས།། གང་གི་རྟོག་པ་མཆོག་ཆེན་འདི་སྒྲུབ་བྱེད་པ་ལ།། བདུད་ཉིད་དུ་ནི་མི་འགྲོ་མི་བརྟན་ཉིད་ཀྱང་མིན།། བརྟན་པའི་རྒྱུ་ནི་བདག་གིས་སྟོན་པར་མི་བྱེད་དེ།། མྱུར་བར
186a3 མཆོག་གི་མཆོག་ཉིད་འགྲུབ་ཕྱིར་བསྟན་པར་འགྱུར་བྱེད་དོ།། གང་གིས་བདག་གི་སྙིང་པོས་བདག་ལ་རྟག་ཏུ་གྲུབ་བྱེད་ནི།། མཆོག་ཆེན་དངོས་གྲུབ་དང་ནི་རྟག་པར་བདེ་ཆེན་དང་།། ཆགས་དང་ཤིན་ཏུ་དགའ་དང
186a4 བརྟན་དང་རྒྱས་པ་དང་།། ཡིག་ཆེན་ཡང་ནི་རྟག་པར་བདག་གིས་བགྲུབ་པར་བྱེད།། དེ་ནས་མཆོག་སྐྱེད་རྒྱལ་བ་ཐམས་ཅད་དགའ་ནས་སུ།། འཛུམ་པ་ཆེན་པོས་ཐམས་ཅད་ཁྱབ་པར་རྣམ་པར་བྱེད།། ཀུན་བདག
186a5 དབྱིངས་ཀྱི་རྡུལ་ཕྲན་མཆོག་ཆེན་གཟུགས་དག་གིས།། ཀུན་ནས་དེ་ལ་ལེགས་པའི་སྒྲ་ནི་དབུལ་བར་བྱེད།། བདག་གིས་དབྱིངས་ཀུན་རྗེས་སུ་ཆེ་མཆོག་གཟུགས་ཀྱིས་སུ།། ཕ་མཆོག་གྱུར་པ་སངས་རྒྱས་ཀུན་གྱིས
186a6 ལེགས་སོ་ལེགས།། མཆོག་གི་རྡོ་རྗེ་ལས་བྱུང་ཁྱོད་ནི་ལེགས་སོ་ལེགས།། དམ་པའི་ཆོས་ཉིད་ཆོས་ཀྱི་བདག་ཉིད་ལེགས་སོ་ལེགས།། དམ་པའི་ལས་ཅན་མཆོད་པའི་བདག་ཉིད་ལེགས་སོ་ལེགས།། རྟོགས་པའི་བྱིན
iiif viewer powered by OpenSeadragon
