| e-texts navigator |
| Wylie |
182b1 མདོག་ནི།། དམ་པ་ཡིག་འབྲུ་གྲུབ་ཉིད་ཕྱིར།། ཆོས་རྣམས་ཐམས་ཅད་དག་ཕྱིར་དང་།། གསང་བ་དེ་ཉིད་རྣམ་དག་ཕྱིར། རྡོ་རྗེ་འཛིན་དེ་ཟླ་བའི་མདོག། དེ་ནས་སྣ་ཚོགས་འོད་འབར་ནི།། ཅི་ཕྱིར་བཅོམ་ལྡན་འདོད
182b2 ཆགས་ཆེ།། འདོད་ཆགས་ཀུན་ལ་རྗེས་ཆགས་ཕྱིར།། རྡོ་རྗེ་སེམས་དཔའ་དེ་ཉིད་ཀྱང་།། སྣ་ཚོགས་དམར་པོ་འབར་བའི་འོད།། དེ་ལ་ཇི་ལྟར་དབང་བསྐུར་བའི་ཤེས་པ་ཡིན་ཞེ་ན། ཐོད་ཕྲེང་དབུ་རྒྱན་ལས་གཞན
182b3 ནི།། ཁམས་གསུམ་ལ་ནི་དབུ་རྒྱན་མེད།། ཐོད་པའི་ཕྲེང་བའི་དབུ་རྒྱན་ནི།། རྡོ་རྗེ་སེམས་དཔའ་བདག་མངོན་བསྐྱེད།། ཁམས་གསུམ་ལས་ནི་རིན་ཆེན་གཞན།། སངས་རྒྱས་རིན་ཆེན་འདྲ་བ་མེད།། སངས
182b4 རྒྱས་ཐམས་ཅད་རིན་ཆེན་ཅེས།། དབུ་རྒྱན་དེ་ཡིས་རྡོ་རྗེ་འཛིན།། དེ་ནས་ཇི་ལྟར་སེམས་དཔའི་སྐྱིལ་མོ་ཀྲུང་ཡིན་ཞེ་ན། ཡན་ལག་གཡས་པས་མཉམ་གནན་པས།། གཡོན་པའི་ཡན་ལག་གཟིར་ནས་སུ།། དེ་ཡི
182b5 སེམས་དཔའི་སྐྱིལ་ཀྲུང་ཅན།། རྡོ་རྗེ་སྙིང་པོ་གཙོ་བོའི་གཙོ།། དེ་ནས་ཇི་ལྟར་རྡོ་རྗེ་སེམས་དཔའི་ལྷ་མོ་ལ་སོགས་པའི་དེ་བཞིན་ཉིད་ཀྱི་ཤེས་པ་ཡིན་ཞེ་ན། ཀུན་མཆོག་ཤིན་ཏུ་འབིགས་པས་ན།། དངོས་གྲུབ་ཐམས
182b6 ཅད་བདེ་བའི་མཆོག། ཀུན་མཆོག་རྣམ་རྒྱལ་བཀྲ་ཤིས་པས།། ཐམས་ཅད་དབང་ཕྱུག་ཆེ་རུ་འཕགས།། གྲུབ་རྣམས་དེ་བཞིན་ཕུན་སུམ་ཚོགས།། དགའ་བ་དེ་བཞིན་གཙོ་མོ་བདག། རྡོ་རྗེ་ལྷ་མོ་ཚོགས་ཕྱག་རྒྱ།། རྡོ་རྗེ
iiif viewer powered by OpenSeadragon
