| e-texts navigator |
| Wylie |
182a1 ནི་ཟླུམ་པོར་གསུངས།། ཅི་ལྟར་འདོད་པ་ཅི་བདེ་བས།། ནང་གི་དཀྱིལ་འཁོར་དང་ལྡན་པ།། རེའུ་མིག་བརྒྱད་པར་འདོད་པའོ།། ཕྱི་ཡི་དཀྱིལ་འཁོར་དབུས་གནས་པར།། ནང་གི་དཀྱིལ་འཁོར་དུ་ནི
182a2 འདོད།། རེའུ་མིག་བརྒྱད་ཀྱི་དབུས་གནས་པས།། གཙོ་བོ་དཀྱིལ་འཁོར་འདོད་པ་ཡིན།། ཞེས་དཔལ་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་བཅོམ་ལྡན་འདས་རྟོག་པའི་དངོས་གྲུབ་དམ་པ་ཡིན་ཞེ་ན།། ཇི
182a3 ལྟར་བདེན་པར་དཀྱིལ་འཁོར་དག། གང་གིས་རྟོགས་པར་ནུས་པ་ནི།། གང་གིས་ཡི་དམ་ལྷར་སྦྱོར་བས།། གྲུབ་པའི་དཀྱིལ་འཁོར་བརྟག་པ་ཡིན།། འདིར་སྐུ་བྲིས་པའི་སྦྱོར་བ་ཡིས།། རང་སེམས་བྲིས་པར་སྦྱོར་བ
182a4 ཡིན།། ལྷག་ཆད་ཆོ་གར་གྱུར་ན་ཡང་།། བསྒྲུབས་ཏེ་སྐྱོན་དུ་མི་འགྱུར་རོ།། དེ་ལ་ཇི་ལྟར་བཅོམ་ལྡན་འདས་གསང་བ་ལྔའི་དེ་ཉིད་ཡིན་ཞེ་ན།། སེམས་དཔའ་གདོད་མ་ཐ་མ་མེད།། རྡོ་རྗེ་སེམས་དཔའ་དགའ་བ
182a5 ཆེ།། ཀུན་ཏུ་བཟང་པོ་ཀུན་གྱི་བདག། རྡོ་རྗེ་སྙིང་པོ་གཙོ་བོའི་གཙོ།། གདོད་མ་ཐ་མ་མེད་ཕྱིར་ཡང་།། དམ་པའི་དང་པོ་ཞེས་འདོད་དོ།། འཁོར་ལོ་ཀུན་གྱི་གཙོ་ཕྱིར་ནི།། དམ་པ་དམ་པའི་དབང་ཕྱུག་ཡིན།། དེ་ལ་ཇི
182a6 ལྟར་བཅོམ་ལྡན་འདས་གང་ལགས་ཅི་འདྲ་བ་ཡིན་ཞེ་ན། འདོད་པ་ཆེན་པོ་ཀུན་གྱི་མཆོག། ཡིད་བདེ་བས་ནི་འཛུམ་པ་ཆེ།། རྟག་པར་འཛུམ་པའི་བདེ་བ་དེས།། དམ་པ་བཅོམ་ལྡན་འགྱུར་བ་ཡིན།། དེ་ནས་དེ་ཡི་ཟླ
iiif viewer powered by OpenSeadragon
