| e-texts navigator |
| Wylie |
181b1 གྲགས་པ་ཡིན།། སྙིང་པོས་རྗེས་སུ་འགྲུབ་པ་ནི།། ཉེ་བའི་སྙིང་པོར་ཡོངས་གྲགས་སོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་གསང་བ་བསྒྲུབ་པའི་རྟོག་པ་སྟེ་ཉི་ཤུ
181b2 རྩ་གཅིག་པའོ།། །། དེ་ལ་ཇི་ལྟར་བཅོམ་ལྡན་འདས་བདེ་བ་ཆེན་པོ་དང་། རྡོ་རྗེ་དོན་ཡོད་པའི་དམ་ཚིག་གི་རྒྱུད་ཡིན་ཞེ་ན། ཀུན་འགྲུབ་ཟད་མེད་བདེ་བ་ནི།། བདེ་བ་ཆེན་པོ་ཞེས་སུ་གྲགས།། དེ་ནི་རྡོ་རྗེ་འགྲུབ
181b3 པ་སྟེ།། དོན་ཡོད་དམ་ཚིག་འདའ་དཀའ་ཡིན།། དེ་ལ་ཇི་ལྟར་བཅོམ་ལྡན་འདས་དཀྱིལ་འཁོར་གྱི་དོན་ཡིན་ཞེ་ན། ཇི་ལྟར་གནས་སུ་ཁཾ་འཁོར་ལོ།། དེ་ལྟར་སྡེ་དང་འགྲོ་བ་བཞིན།། འཁོར་དང་ཡང་དག་འཇུག
181b4 འགྱུར་བ།། དེ་འདྲའི་དཀྱིལ་འཁོར་སྐྱེད་མཆོག་ཡིན།། དེ་ལ་ཇི་ལྟར་བཅོམ་ལྡན་འདས་རྣམ་སྨིན་གྱི་རྒྱུ་ཡིན་ཞེ་ན། རྡོ་རྗེ་སེམས་དཔའ་སོགས་ལྷ་ཡི།། དཀྱིལ་འཁོར་མངོན་སུམ་མཐོང་བ་ལས།། བསོད་ནམས
181b5 བརྟག་པ་ཅི་འདྲ་བ།། ཕྱིས་བྱས་པ་ཡང་དེ་བཞིན་ནོ།། དེ་ལ་ཇི་ལྟར་བཅོམ་ལྡན་འདས་ཐིག་གདབ་པའི་ཆོ་ག་ཤེས་པ་ཡིན་ཞེ་ན། མཁས་པས་དཀྱིལ་འཁོར་བྲི་བྱ་ན།། མཚམས་ཀུན་མཉམ་པོར་འདྲེན་པར་བྱ།། ཤར
181b6 དང་ནུབ་དང་བྱང་སོགས་ཕྱོགས།། ཐིག་སྐུད་བཞི་པ་རེའུ་མིག་བརྒྱད།། དཀྱིལ་འཁོར་ཟླུམ་པོ་སངས་རྒྱས་ཀྱི།། རྡོ་རྗེ་ཅན་གྱི་ཟླ་གམ་བཞིན།། པདྨ་པདྨའི་ཚུལ་ཡིན་ཏེ།། རིན་ཆེན་ཚུལ་ནི་རིན་ཆེན་གྱི།། སྣ་ཚོགས་ཀྱི
iiif viewer powered by OpenSeadragon
