| e-texts navigator |
| Wylie |
180a1 ནི་རིགས་ཡིན་ནོ།། དེ་ལ་ཇི་ལྟར་བཅོམ་ལྡན་འདས་འདོད་པའི་ཐར་པ་ཡིན་ཞེ་ན། དངོས་གྲུབ་ཐམས་ཅད་རྗེས་ཆགས་ཕྱིར།། འདོད་ཆགས་ཆེན་པོ་བཅོམ་ལྡན་འདས།། ཀུན་གྲུབ་ཟད་མེད་བདེ་བ
180a2 ཡིན།། བདེ་བ་ཆེན་པོ་ཞེས་འདོད་དོ།། གསང་བ་ཁྲག་འཐུང་ཞེས་བྱ་སྟེ།། ཕྱག་རྒྱ་ཆེན་པོ་འགྲུབ་པའི་ཕྱིར།། མཆོག་ནི་པདྨ་འཛིན་རྒྱལ་པོ།། དམ་ཚིག་དམ་པ་ཤེས་ལྡན་ཕྱིར།། དགྱེས་པ་དམ་པ་ཉི་མ་སྟེ།། སྦྱིན་པ
180a3 ལ་སོགས་མཆོག་སྒྲུབ་ཕྱིར།། ཐམས་ཅད་བདག་ཉིད་རྟག་ཏུ་བཞུགས།། རྡོ་རྗེ་རྟ་མཆོག་ལས་ཉིད་ཕྱིར།། སངས་རྒྱས་ཀུན་དངོས་སེམས་དཔའ་སྟེ།། རྫོགས་སངས་རྒྱས་ཕྱིར་རྣམ་སྣང་མཛད།། རྡོ་རྗེ་སེམས་དཔའ
180a4 རྒྱལ་ཆེན་པོ།། ཡེ་ཤེས་རྡོ་རྗེ་འཛིན་མཆོག་ཕྱིར།། དེ་ལ་ཇི་ལྟར་བཅོམ་ལྡན་འདས་རྣམ་པ་གསུམ་ཉིད་ཡིན་ཞེ་ན། འཇིག་རྟེན་གསུམ་དག་མཐའ་ཡས་ཕྱིར།། འདུལ་ཕྱིར་སྲིད་གསུམ་མཆོག་གསུམ་བདག། ཐམས
180a5 ཅད་ཉིད་ཕྱིར་དཀོན་མཆོག་གསུམ།། འཇིག་རྟེན་གསུམ་བདག་ཁམས་གསུམ་ཡིན།། དེ་ལ་ཇི་ལྟར་བཅོམ་ལྡན་འདས་ཐམས་ཅད་ཉིད་ཡིན་ཞེ་ན། སེམས་ཅན་བསོད་ནམས་ཆེར་འཕགས་ཕྱིར།། མི་གཡོ་ཐམས་ཅད
180a6 ཁོ་ན་བདག། སེམས་འདུ་བྱེད་ཕྱིར་གཡོ་བ་སྟེ།། ཀུན་བྱེད་ཐམས་ཅད་ཁོ་ནའི་ཕྱིར།། མཁའ་འགྲོ་མ་དག་ལྷ་མོར་གསུངས།། ཐམས་ཅད་མཛད་པས་སྐལ་བ་བཟང་།། རྣམ་པར་རྟོག་པ་སྐལ་ངན་པར།། བརྡ་ཡིས
iiif viewer powered by OpenSeadragon
