| e-texts navigator |
| Wylie |
17b1 བསྐྱོད་པ་རླུང་ཞེས་བྱའོ།། གང་དུ་ཡུལ་ལ་དབང་བྱེད་པའི།། བདེ་བ་བསྐྱེད་པའི་ནུས་པ་ནི།། བྱམས་སོགས་ཚད་མེད་རང་བཞིན་ནོ།། ངེས་པར་སྐྱོབ་པ་གསང་བའི་སྔགས།། གཉིས་འདྲེན་འཛིན་པ་ཞེས་བྱ་སྟེ།། དེ
17b2 ཉིད་ཕྱེ་བ་ལས་བྱུང་བའོ།། མེ་ཏོག་བསྡུས་པའི་ངོ་བོ་ཉིད།། བདག་པོའི་ཞལ་དུ་ཐིམ་པར་བཤད།། ཤིན་ཏུ་བསྡམ་པའི་རིགས་ལས་བྱུང་།། གསལ་བའི་ཡེ་ཤེས་བདེ་བ་ཆེ།། ཀུན་གསལ་བརྗོད་དང་འདྲ་བའི
17b3 སྒྲ།། གཉིས་མེད་ཐུགས་སུ་ཤེས་རབ་སྒྲ།། ལུས་ཀྱི་ཆོས་ཉིད་བདེ་བསྐྱེད་པ།། ལས་བཞི་འཇིགས་པ་ཁྲོ་བོ་སྟེ།། རང་རང་ལས་ཀྱི་ཕྱེ་བ་ཡིས།། རིག་པའི་རྒྱལ་བ་ཉིད་དུ་འདོད།། དགུག་པ་ཛཿཡིས་ལས་བྱེད
17b4 ཅིང་།། འཁྱུད་དང་གནས་པ་ཧཱུཾ་དུ་འདོད།། བསྡམས་ཤིང་མི་མཐོང་བཾ་ཡིན་ཏེ།། བསྐྱོད་དང་འབེབས་པ་ཧོཿཡིན་ནོ།། རྣམ་ཤེས་གསུམ་འདས་རྡོ་རྗེ་ནི།། ཡེ་ཤེས་ལྔ་རྫོགས་ཐུགས་ཉིད་དོ།། དབྱིངས་གསུམ་རྣམ་དག
17b5 འདུས་མ་བྱས།། ཀུན་ཏུ་དེ་བཞིན་གནས་བྱེད་པའི།། རང་ཉིད་འཁོར་ལོའི་རྩ་འདོད་དང་།། ས་བོན་ཟུང་གསུམ་དེ་བདེ་བའི།། ངེས་སྐྱེས་རང་རིག་གྱུར་པ་ཡིས།། གཉིས་འབྱུང་རང་རིག་ཐུབ་པར་གསུངས།། དྲངས
17b6 མ་ལྔ་དང་ཉི་ཟླ་ལ།། ཡེ་ཤེས་ལྔ་ཡི་རོ་གནས་པ།། གསང་བའི་ཐབས་ཀྱིས་ཉམས་མྱོང་བ།། གཉིས་སུ་མེད་པར་ཞུགས་པ་ཡིན།། ཡེ་ཤེས་ནམ་མཁའི་འཁོར་ལོ་དེ།། གསང་བའི་ཐབས་ཀྱིས་འགུགས་པ
iiif viewer powered by OpenSeadragon
