| e-texts navigator |
| Wylie |
179b1 རེ་གྲུབ་པ་ནི།། རྡོ་རྗེ་སེམས་དཔའ་ཉིད་ཐོབ་བོ།། དེ་ལ་ཇི་ལྟར་བཅོམ་ལྡན་འདས་ཀུན་ཏུ་བཟང་པོའི་སྤྱོད་པ་ཡིན་ཞེ་ན། གསུངས་པ། སྙིང་སྟོབས་རྡུལ་དང་མུན་པ་ཡང་།། ཅི་ཕྱིར་སེམས་ཅན་དོན་དུ་འགྱུར།། དེ
179b2 ཕྱིར་ཀུན་ཏུ་བཟང་པོ་ཡི།། ཅི་བཞིན་བྱང་སེམས་སྤྱོད་རྗེས་འགྲོ།། དེ་ལ་ཅི་ལྟར་བཅོམ་ལྡན་འདས་བདུད་དང་བདུད་ལས་རྒྱལ་བ་ཡིན་ཞེ་ན། སེམས་དེ་ཁོ་ན་བདུད་ཡིན་ཏེ།། སེམས་དེ་ཁོ་ན་དེ་བཞིན
179b3 གཤེགས།། རང་སེམས་འདུལ་བའི་དོན་དུ་ནི།། བདག་ནི་བདུད་ཉིད་ཉེ་བར་འགྲོ། དེ་ལ་ཇི་ལྟར་བཅོམ་ལྡན་འདས།། མངོན་པར་བྱང་ཆུབ་པ་དང་སངས་རྒྱས་ཡིན་ཞེ་ན།། རང་སེམས་སོ་སོར་རིག་པ་ནི།། བྱང་ཆུབ
179b4 སེམས་མཆོག་རྡོ་རྗེ་ཉིད།། དེ་ཉིད་དེ་ལས་དེ་སངས་རྒྱས།། རང་བྱིན་བརླབས་མཆོག་འགྲུབ་ཕྱིར་རོ།། དེ་ལ་ཇི་ལྟར་བཅོམ་ལྡན་འདས་རྡོ་རྗེ་གཏུམ་པོ་མཐར་བྱེད་དང་། ཕྱག་ན་རྡོ་རྗེ་ཡིན་ཞེ་ན།། དབྱེར་མེད་སོ་སོར
179b5 རྟོགས་པ་ནི།། སྡང་བ་ཐམས་ཅད་ངེས་པར་གནོན།། སངས་རྒྱས་ཀུན་དངོས་རྡོ་རྗེ་ནི།། བྱང་ཆུབ་སེམས་བདག་བརྟན་པ་ཡིན།། བརྟན་པ་ཐམས་ཅད་འགྲུབ་དོན་དུ།། རྒྱལ་བ་བདག་གིས་ཀུན་བཟང་གི།། ཕྱག་ལ
179b6 ཕྱག་མཚན་དེ་བྱིན་ཏེ།། དེས་དེ་ཕྱག་ན་རྡོ་རྗེ་ཡིན།། དེ་ལ་ཇི་ལྟར་དང་པོའི་རིགས་འབྱུང་བ་ཡིན་ཞེ་ན། མ་ནི་ཤེས་རབ་ཕ་རོལ་ཕྱིན།། ཕ་ནི་ཐབས་ལ་མཁས་པ་སྟེ།། འདུལ་ཕྱིར་རྡོ་རྗེ་སེམས་དཔའ་ནི།། སྐྱེ་བ་དག
iiif viewer powered by OpenSeadragon
