| e-texts navigator |
| Wylie |
179a1 ཀུན་གྱི་མཆོག། གདོད་ནས་གྲོལ་བ་དེ་བཞིན་གཤེགས།། ཀུན་ཏུ་བཟང་པོ་ཀུན་གྱི་བདག། བྱང་ཆུབ་སེམས་མཆོག་ཆོ་གའོ།། དེ་ཇི་ལྟར་བཅོམ་ལྡན་འདས་དཔལ་རྡོ་རྗེ་སྙིང་པོ་ཡིན་ཞེ་ན།། དངོས
179a2 གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེ་མཆོག་ཕྱག་རྒྱ་ཡིན།། རྡོ་རྗེ་དབང་ཆེན་ཐུགས་པར་འདྲེན་པས་ཀྱང་ཀར་བསྒྱུར།། རྡོ་རྗེ་སྙིང་པོ་གཙོ་བོའི་གཙོ།། དམ་པ་དང་པོའི་སྐྱེས་བུའོ།། དེ་ལ་ཇི་ལྟར་བཅོམ་ལྡན
179a3 འདས་ཐམས་ཅད་ཀྱི་སེམས་ཉིད་ཡིན་ཞེ་ན།། བསམ་མེད་རྒྱ་ཆེན་ཟབ་པ་ནི།། དངོས་གྲུབ་ཐམས་ཅད་ཟད་མེད་བདེ།། ཀུན་གྱི་དྲི་མ་མེད་པ་ནི།། བྱང་ཆུབ་སེམས་བདག་བརྟན་པ་ཡིན།། དེ་ནས་དེའི་ཡོངས་སུ་ལས
179a4 ཀྱི་ཁྱད་པར་ནི།། སེམས་བརྟན་ཉིད་ཀྱིས་སེམས་དཔའ་སྟེ།། ཏིང་འཛིན་སེམས་དཔའ་བསྒོམ་པའོ།། རྣམ་པར་ཤེས་པ་སེམས་དཔའ་སྟེ།། རྡོ་རྗེ་ཉིད་ཡིན་རྡོ་རྗེ་ལས།། རྡོ་རྗེ་འཛིན་པ་འབྱུང་བའོ།། རྡོ་རྗེ་རྡོ་རྗེ་ཞེས
179a5 གསུངས་ནི།། ཉོན་ཅིག་རྡོ་རྗེ་གང་གསུངས་པ།། ཟླ་བ་འདྲ་བར་ཡང་དག་བློ།། རྡོ་རྗེ་ཞེས་སུ་རྣམ་པར་བཤད།། དེ་ལ་ཇི་ལྟར་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཡིན་ཞེ་ན། ཏིང་འཛིན་ལ་སོགས་རྣམ་བཞི
179a6 ཡིས།། གང་གི་བསྐྱེད་པ་ཡོད་པ་ནི།། བསྒོམས་ན་ཐམས་ཅད་བདག་ཉིད་དུ།། ཚེ་འདི་ཉིད་ལ་འགྲུབ་པར་འགྱུར།། སེམས་དཔའི་བྱིན་གྱིས་བརླབས་ཕྱིར་ཡང་།། རང་བྱིན་བརླབས་འདི་སྒྲུབ་མཆོག་སྟེ།། དེ་ཉིད་ཉིན
iiif viewer powered by OpenSeadragon
