| e-texts navigator |
| Wylie |
177b1 མེད།། ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ།། ཨོཾ་ཡིག་ཐིག་ལེ་དང་ལྡན་དང་།། ཐིག་ལེ་ཨེ་ཡིག་ལྡན་པ་ཡི།། ལྷོ་ལས་དང་པོ་འགྱུར་བར་བྱ།། ཡི་གེ་ཨ་དང་མཉམ་ལྡན་པའི།། དེ་ནས་བྱང
177b2 གི་དང་པོ་སྟེ།། དབུས་ལས་ཐ་མ་དེ་བཞིན་དུ།། ཨི་ཡིག་དང་ནི་སྦྱོར་བ་ཡི།། ནུབ་ཀྱི་ཐ་མ་འགྱུར་བར་བྱ།། ཚེག་དྲག་ཨོ་ཡིག་དང་ལྡན་པའི།། རླུང་མཚམས་ཕྱི་རོལ་པར་གྱུར་པའོ།། ཞེས་བཅོམ་ལྡན་འདས་དཔལ་རྡོ
177b3 རྗེ་སེམས་དཔས་གསུངས་སོ།། ཨོ་ཡིག་ཐིག་ལེ་དང་ལྡན་པ།། དབུས་ལས་དབུ་མ་ཡང་ཡིན་ཏེ།། མེ་མཚམས་པ་ཡི་སྟན་ལྡན་པའི།། ལྷོ་ལས་དབུ་མ་འགྱུར་བར་བྱ།། དབུས་ལས་ཐ་མ་དེ་བཞིན་དུ།། ཡི་གེ་ཨེ་དང
177b4 མཉམ་སྦྱོར་བའི།། མེ་མཚམས་ཕྱི་རོལ་པར་འགྱུར་ཏེ།། དེ་བཞིན་དབུས་ནས་ཐ་མ་དང་།། ཡི་གེ་ཨ་དང་མཉམ་ལྡན་པའི།། རླུང་མཚམས་ཕྱི་རོལ་འགྱུར་བར་བྱ།། ཐིག་ལེ་ཨུ་ཡིག་དང་ལྡན་པའི།། མེ་མཚམས་ཕྱི
177b5 རོལ་པར་འགྱུར་རོ།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་མདའ་གཞུ་འཛིན་མ་དང་། རྡོ་རྗེ་ཁ་ཊྭཱཾ་མ་དང་། རྡོ་རྗེ་ཉི་མ་མོ་དང་། རྡོ་རྗེ་བསྲེག་བྱ་ཟ་བ་མོ་ཞེས་བྱ་བའི་རྡོ་རྗེ་ཉི་མའི་ལྷ་མོ་བཞི་གསུངས
177b6 སོ།། གླིང་བུ་མ་སོགས་འདུས་པ་དང་།། སྒོ་སྲུང་མ་སོགས་འདུ་བ་སྟེ།། མེ་ཏོག་མ་སོགས་འདུས་ནས་ཀྱང་།། རྩ་བའི་དཀྱིལ་འཁོར་ལ་བསྐྱེད་འདོད།། ཅེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས
iiif viewer powered by OpenSeadragon
