| e-texts navigator |
| Wylie |
16b1 གོམས་པ་ཡིས།། འབྲས་བུ་ཉི་མའི་སྙིང་པོ་བཞིན།། རྒྱུ་ནས་འབྲས་བུ་མཐར་ཕྱིན་ཐུན་མོང་ལས།། ཐབས་དང་ཤེས་རབ་མཉམ་ཐོབ་ནས།། རྩེ་ནས་ཐིག་ལེ་རིམ་བཟློག་པའི།། ཕྱི་ནང་ཞེན་པ་རྒྱུ་འབྲས་ཆོས།། བཅུ
16b2 དྲུག་མཐར་ཕྱིན་དབྱེ་བ་མེད།། གང་གིས་བསྐལ་པ་གྲངས་མེད་པར།། དཀའ་ཐུབ་སྡུག་བསྔལ་སྤྱད་པ་ཡིས།། འབྲས་བུ་གཉིས་མེད་མི་ཐོབ་པ།། དགའ་བདེས་ཚེ་འདིར་འགྲུབ་པར་འགྱུར།། སྐལ་ལྡན་དབང་ཕྱུག
16b3 རྒྱལ་པོ་ཡིས།། གསང་བའི་རྒྱུ་འབྲས་རིམ་བཟློག་པས།། འཁོར་བ་པདྨའི་འདམ་བཞིན་དུ།། སྡུག་བསྔལ་མེད་པར་ཕ་རོལ་ཕྱིན།། གསང་ཆེན་མི་ལྡོག་རིགས་སུ་ངེས།། བྱང་ཆུབ་སེམས་ལ་རབ་སྦྱོར་བས།། བདེ
16b4 ཆེན་ཐིག་ལེ་མི་གཡོ་བ།། གསང་ཆེན་འབྲས་བུ་རྫོགས་པའི་ས།། མཐར་ཕྱིན་ཡོན་ཏན་ལྷུན་རྫོགས་པའོ།། རྒྱུད་ཀྱི་རྒྱལ་པོ་ཐལ་རྒྱུད་ཆེན་པོ་ལས། བྱང་ཆུབ་སེམས་ཀྱི་གཟུགས་ཅན་སྣང་བའི་ལེའུ་སྟེ་དྲུག
16b5 པའོ།། །། དེ་ནས་གཞན་ཡང་བཤད་བྱ་བ།། རྡོ་རྗེ་མི་ཕྱེད་སྒྲུབ་པའི་དོན།། དེ་ནི་བདེ་ཆེན་ཡོད་མིན་ཏེ།། གསང་བའི་དོན་ནི་བཤད་པར་བྱ།། རྒྱལ་བའི་བྱིན་རླབས་མཆོག་གྱུར་པ།། སངས་རྒྱས་ཀུན་གྱི་བདེ
16b6 ཆེན་ལས།། ཐབས་ཀྱིས་ཆགས་པ་གདུལ་བྱའི་ཕྱིར།། གསང་སྔགས་ཡིད་བཞིན་ནོར་བུ་བཤད།། གསང་སྔགས་ཐིག་ལེའི་བདེ་བ་ནི།། ཡབ་ཡུམ་གཉིས་མེད་རོལ་པ་ནི།། ཐམས་ཅད་ཐབས་ལ་བཅུ་དྲུག་བརྒྱ།། བཅུ
iiif viewer powered by OpenSeadragon
