| e-texts navigator |
| Wylie |
163b1 ཏུ་སྦྱོར།། སྒྲ་ཡིག་ཨ་དང་སྦྱར་ནས་སུ།། རྟག་པར་ཞི་བར་འགྱུར་བ་ཡིན།། མེ་མཚམས་ཕྱི་རོལ་བཟུང་ནས་སུ།། ནུབ་ཀྱི་དང་པོ་ལྡན་པར་བྱ།། སྒྲ་ཡིག་ཨི་དང་སྦྱར་ནས་སུ།། འོད་ཀྱི་གོང་བུ་ལྔ་པ་ཡིན།། བདེན་བྲལ
163b2 ཕྱི་རོལ་གནས་པ་ལ།། སྒྲ་ཡིག་ཨ་དང་ལྡན་པར་བྱ།། དེ་བཞིན་དབང་ལྡན་འདབ་མ་དང་།། སྒྲ་ཡིག་ཨི་ནི་སྦྱོར་བའོ།། ཤར་གྱི་དང་པོ་པ་དང་ནི།། དེ་ནས་དབུ་མའི་ཐ་མ་དང་།། ནུབ་ཀྱི་དང་པོ་པ་བཟུང་ནས།། ཨ
163b3 མེད་རྟག་ཏུ་འགྱུར་བར་བྱ།། དེ་དག་བཟླས་པ་བྱས་པ་ཡིས།། མདའ་རུ་རབ་ཏུ་གྲུབ་པ་ཡིན།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ།། རླུང་མཚམས་ཕྱི་རོལ་པ་བཟུང་ནས།། སྒྲ་ཡིག་ཨུ་ནི
163b4 སྦྱོར་བར་བྱ།། ཐིག་ལེ་ང་རོ་གནོན་ནས་སུ།། དེ་ནས་དབུས་ནས་དབུ་མའོ།། ལྷོ་ནས་དབུ་མ་བཟུང་ནས་སུ།། མེ་མཚམས་པ་དང་སྦྱོར་བར་བྱ།། ཤར་ནས་དང་པོ་བཟུང་ནས་སུ།། སྒྲ་ཡིག་ཨེ་དང་ལྡན་པར
163b5 བྱ།། བདེན་བྲལ་འདབ་མར་གནས་པ་གང་།། སྒྲ་ཡིག་ཨེ་ནི་སྦྱོར་བར་བྱ།། ཤར་གྱི་དང་པོ་བཟུང་ནས་སུ།། སྒྲ་ཡིག་ཨེ་ནི་སྦྱོར་བའོ།། བདེན་བྲལ་འདབ་མར་གནས་པ་ལ།། སྒྲ་ཡིག་ཨེ་ནི་སྦྱོར་བའོ།། རླུང་མཚམས
163b6 ཕྱིར་རོལ་པ་བཟུང་ནས།། སྒྲ་ཡིག་ཨུ་ནི་སྦྱོར་བར་བྱ།། ཐིག་ལེ་ང་རོས་མཉམ་སྦྱོར་ན།། སྐལ་བཟང་སྐལ་བཟང་འགྱུར་བ་ཡིན།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ།། དབུས་ནས་དབུ་མ
iiif viewer powered by OpenSeadragon
