| e-texts navigator |
| Wylie |
162b1 གྲགས་སོ།། ཞེས་བཅོམ་ལྡན་འདས་དཔལ་རྡོ་རྗེ་བདེ་བ་ཆེན་པོ་རྡོ་རྗེ་སེམས་དཔས་གསུངས་ཏེ། རྟ་མཆོག་གི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ
162b2 འགྲོ་མ་སྒྱུ་མ་བདེ་བའི་མཆོག་ལས་ཆོས་ཀྱི་ཡི་གེ་འབྱུང་བའི་རྟོག་པ་སྟེ་བཅུ་དགུ་པའོ།། །། རི་མོ་གཉིས་ཀྱི་དཀྱིལ་འཁོར་གྱི།། ཕྱི་རོལ་པདྨ་འདབ་བརྒྱད་བྲི།། དེ་ཡི་ནང་དུ་རྣལ་འབྱོར་པས།། ཨ་ཡིག་སོགས་ཀྱང
162b3 བྲི་བར་བྱ།། ཤར་ཕྱོགས་འདབ་མར་ཀ་ཡི་སྡེ།། ལྷོ་ཕྱོགས་འདབ་མར་ཙ་ཡི་སྡེ།། ནུབ་ཕྱོགས་འདབ་མར་ཊ་ཡི་སྡེ།། ཏ་ཡི་སྡེ་ནི་དེ་བཞིན་བྱང་།། སྡེ་པ་ལྔ་ཡི་དབུས་སུ་ནི།། ཡི་གེ་ཀྵ་དང་ལྷན་ཅིག་དགོད།། དབང
162b4 ལྡན་འདབ་མ་ནས་བརྩམས་ཏེ།། ཡ་ར་ལ་ཝ་རྣམ་པར་གཞག། དབང་ལྡན་འདབ་མའི་ཕྱི་རོལ་ཏུ།། ཡི་གེ་ཤ་ནི་འཇུག་པར་བྱ།། མེ་མཚམས་འདབ་མའི་ཕྱི་རོལ་ཏུ།། ཡི་གེ་ཥ་ནི་འཇུག་པར་བྱ།། བདེན་བྲལ་འདབ
162b5 མའི་ཕྱི་རོལ་ཏུ།། ཡི་གེ་ས་ནི་འཇུག་པར་བྱ།། རླུང་མཚམས་འདབ་མའི་ཕྱི་རོལ་ཏུ།། ཡི་གེ་ཧ་ནི་འཇུག་པར་བྱ།། ཞེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ།། དབུས་ཀྱི་མཐའ་རུ
162b6 གང་ཡིན་པ།། ཐིག་ལེ་དང་ལྡན་ཡི་གེ་ཨཽ།། རླུང་མཚམས་ཕྱི་རོལ་གནས་པ་གང་།། སྐྲ་ཡིག་ཨ་ནི་སྦྱོར་བར་བྱ།། བདེན་བྲལ་ཕྱི་རོལ་གནས་པ་ལ།། འོག་ཏུ་སྒྲ་ཡིག་ཨུ་སྦྱོར་རོ།། ཤར་གྱི་འདབ་མ་གཉིས་པ
iiif viewer powered by OpenSeadragon
