| e-texts navigator |
| Wylie |
15b1 མའང་རྫོགས།། ཐབས་ཀྱི་ཟླ་བ་ཤར་བའི་ཚེ།། གཉིས་མེད་གསུམ་ལ་བདེར་གོམས་པས།། ཐིག་ལེ་བསྣོལ་དང་བརྐྱངས་པ་དང་།། འདྲེས་པ་ལ་ནི་ཐབས་གོམས་པས།། མི་ཟད་འཁོར་ལོར་རང་སྣང་བས།། རྒྱུ
15b2 འབྲས་གདོད་ནས་ལྷུན་གྲུབ་པ།། ཆུ་རླབས་ལྟ་བུར་ཤུགས་ཀྱིས་འགྲུབ།། ཐ་དད་མེད་པའི་རང་བཞིན་ནི།། ཐབས་ཀྱི་མཆོག་ཏུ་འདི་བཤད་དོ།། རྟེན་དང་བརྟེན་པའི་སྦྱོར་བ་ལས།། རང་བྱུང་གཟུགས་བརྙན་གསལ
15b3 བར་སྐྱེ།། སྣང་སྲིད་ཕྱི་ནང་སྣོད་བཅུད་ཀུན།། བདེ་ཆེན་གཟུགས་བརྙན་གསལ་བར་འབྱུང་།། འཁོར་དང་མྱ་ངན་འདས་པ་རྣམས།། དག་དང་མ་དག་ཁྱད་པར་རྣམས།། ཐབས་ཀྱིས་ཟིན་དང་མ་ཟིན་པའི།། ཐམས
15b4 ཅད་བདེ་ཆེན་གཟུགས་བརྙན་ཡིན།། གང་དུ་ཐབས་ལས་གྱུར་པ་ཡི།། ཡབ་ཡུམ་གཟུགས་བརྙན་ཐབས་ཆེན་པོ།། ལྷ་མོ་བརྒྱད་དང་ཕྱག་རྒྱ་བཞི།། མ་ལུས་བདེ་བའི་གཟུགས་བརྙན་སྣང་།། བདེ་བ་ཆེན་པོའི་རང
15b5 བཞིན་ནི།། དངོས་པོ་མ་ཡིན་དངོས་མེད་མིན།། དབུ་མ་ཙམ་དུ་མི་དམིགས་པས།། བདེ་ཆེན་ཕྱག་རྒྱ་ཆེན་པོར་བཤད།། ཐབས་དང་ཤེས་རབ་འཁོར་ལོ་ཡི།། མ་ལུས་སྐུ་གསུང་ཐུགས་ཀྱི་ངང་།། སྣང་གྲགས་བདེ་བའི
15b6 རང་བཞིན་དང་།། ལུས་དང་རྩ་དང་བདེ་བར་བཅས།། རྣལ་འབྱོར་གཅིག་ལ་སྣང་བ་ཡི།། ཁྱད་པར་ཆོས་སུ་བཤད་པ་ཡིན།། ཐབས་ཀྱིས་གཟུང་དང་གཉིས་འཁྱུད་དང་།། བསྡམ་དང་འཁྱུད་པའི་རང་བཞིན་ནི།།
iiif viewer powered by OpenSeadragon
