| e-texts navigator |
| Wylie |
15a1 རླུང་གི་ཕྱག་རྒྱ་ཡིས།། ཉི་ཟླའི་ཐབས་ཀྱིས་ཟིན་པ་ལས།། ལྷན་ཅིག་སྐྱེས་པའི་ཡེ་ཤེས་སྐྱེ།། སྐྱེས་བུའི་ལུས་ལ་ཐབས་ཀྱི་རྩ།། པདྨ་འདུས་པའི་སྙིང་པོ་ཅན།། གཉིས་མེད་ཐིག་ལེ་བཅུད་འདུས་པ།། མ
15a2 འདྲེས་འབྲེལ་པའི་སྟོབས་ལས་བྱུང་།། བྲག་གདུང་ལྟ་བུར་གནས་པ་ལས།། གོམས་པའི་རྟོགས་པས་ཡེ་ཤེས་སྐྱེ།། འབྱུང་ལུས་བདེ་བའི་བཅུད་གྱུར་ཅིང་།། བདེ་བ་ལུང་སེལ་ཐིག་ལེར་ཐིམ།། མ་ལུས་དབྱེར་མེད་མི
15a3 གཡོ་བ།། རང་བྱུང་ཐིག་ལེ་རྟེན་དང་བྲལ།། གསང་བའི་ཐིག་ལེ་འགྲོ་འོད་མེད།། བདེ་ཆེན་ནམ་མཁའ་རྒྱུ་འབྲས་འདས།། གསང་བའི་ཐིག་ལེ་དམ་ཉམས་ན།། འཁོར་བ་ཟག་ཅིང་སྡུག་བསྔལ་བས།། གསང་བའི
15a4 ལམ་ཉིད་བར་ཆད་གནས།། ཆོ་གའི་ལམ་གྱིས་སྐྱོང་མི་འགྱུར།། གསང་བའི་ཆོ་ག་ལས་བྱུང་བ།། ཐིག་ལེ་དབབ་དང་བཟུང་བ་དང་།། བཟློག་དང་སྦྱངས་སོགས་ཐབས་ལས་བྱུང་།། ཁམས་གཉིས་འདུས་པའི་སྟོབས
15a5 ལས་སྐྱེས།། ལྔ་བཞི་བྱེ་བྲག་ཆས་བསྐུལ་བས།། གནས་ནས་ལྡང་ཞིང་བདེ་གཡོ་བ།། རང་གི་ལམ་འཇུག་རྟོག་འགགས་ཤིང་།། རང་གི་འཕོ་བས་ས་གནས་ཆེ།། ཕྱི་མའི་བདེ་བ་སྐྱེ་བར་འདོད།། གོམས་པའི་རླུང
15a6 མཐུས་སླར་བསྐྱོད་སེམས།། མཐར་ཕྱིན་ཐབས་ཀྱི་བྱང་ཆུབ་སེམས།། ས་གསུམ་བདེ་བར་རང་གསལ་བས།། ཁམས་གསུམ་ལས་ཀྱིས་ཐོབ་པའི་ཕྱིར།། ཐབས་ལ་ཡོན་ཏན་ཀུན་རྫོགས་པས།། ཡི་གེའི་ས་དང་བླ
iiif viewer powered by OpenSeadragon
