| e-texts navigator |
| Wylie |
159a1 ཆེན་པོ་བདེ་བ་ཆེ།། འདི་དེ་སངས་རྒྱས་ཐམས་ཅད་ཀྱི།། སངས་རྒྱས་རི་མོར་གྲགས་པ་ཡིན།། དེ་ལས་འགྲོ་བ་གཡོ་མི་གཡོ།། ཐམས་ཅད་ཡང་དག་འབྱུང་བས་ནི།། ནམ་མཁའ་ལས་བྱུང་མཚན་ཉིད
159a2 ཕྱིར།། གདོད་མ་ཐ་མ་མེད་མཆོག་ཡིན།། རྡོ་རྗེ་ཆེན་པོ་དངོས་སེམས་ནི།། རྡོ་རྗེ་སེམས་དཔའ་ཞེས་འདོད་དོ།། དེ་ལ་བཅོམ་ལྡན་འདས་དེ་གང་ཞེ་ན།། དངོས་གྲུབ་ཆེན་པོ་ཀུན་གྱི་མཆོག། དབང་ཕྱུག་ཆེན་པོ་རིག
159a3 པའི་ལྷ།། རྒྱལ་པོ་ཆེན་པོ་རྡོ་རྗེ་འཛིན།། དགའ་བ་དམ་པ་ཟད་མེད་ཡིན།། དེ་ལ་ཇི་ལྟར་ཡི་གེ་རྟོག་པ་ཡིན་ཞེ་ན།། ཡི་གེ་ཨ་སོགས་ཀྵ་མཐའ་ནི།། ཡི་གེར་ཡང་དག་བཤད་པ་སྟེ།། མི་ཟད་དགའ་བའི་རྡོ་རྗེ་ཅན།། དེ
159a4 ཉིད་ཀུན་དོན་མཚན་ཉིད་ཕྱིར།། དེ་ལ་ཇི་ལྟར་སྔགས་འབྱུང་བ་ཡིན་ཞེ་ན།། རྡོ་རྗེ་སེམས་སོགས་འཁོར་ལོ་ལ།། གང་རྣམས་སྔགས་སུ་ཆེར་བཤད་པ།། དེ་རྣམས་འབྱུང་བའི་དོན་དུ་ནི།། རྡོ་རྗེ་ཅན་གྱིས་ཡང་བཀའ
159a5 སྩལ།། གུར་གུམ་ལ་སོགས་བྱུགས་པ་ལ།། བྲིས་སྐུ་ལ་སོགས་རྣམས་བརྒྱན་ནས།། བླ་རེ་ལ་སོགས་བྲེས་ནས་སུ།། རྟག་ཏུ་རེའུ་མིག་བཞི་བརྩམས་ནས།། གྲུ་བཞི་གཞལ་ཡས་ཁང་བྱས་ཏེ།། རེའུ་མིག་ཕྱོགས་བཞིར
159a6 འབར་བར་བྱས།། རེའུ་མིག་སུམ་ཅུ་ཐམ་པ་ལ།། བཅུ་དགུ་དང་ནི་ལྡན་པར་བྱ།། བརྒྱ་ཕྱེད་སྟན་ལ་གནས་པ་ལ།། སྡེ་པ་ལྔ་མཐའ་ཐིག་ལེ་ཡིས།། སྤྱི་བོ་གཙུག་ལ་རྟག་པ་ཡི།། ཡི་གེ་ཀཱ་ཞེས་བྱ་བ་ནི།། དབུས་ཀྱི་རེའུ
iiif viewer powered by OpenSeadragon
