| e-texts navigator |
| Wylie |
158b1 ཚིག་གི་རྟོག་པ་སྟེ་བཅཝ་བརྒྱད་པའོ།། །། དེ་ནས་སྟོན་པ་རྡོ་རྗེ་འཛིན།། རྟོག་པ་ཀུན་གྱི་གཙོ་ཆེན་པོས།། ཐེ་ཚོམ་དག་གི་ཚོགས་གསན་ནས།། དོན་དམ་འཛིན་པས་བཀའ་སྩལ་པ།། དེ་ལ་ཇི་ལྟར་རྟོག་པའི་དོན་རྒྱུད
158b2 ཡིན་ཞེ་ན། རྣམ་པར་མི་རྟོག་ཆོས་དག་ལས།། སེམས་ཅན་དོན་དུ་ཡོངས་སུ་རྟོག། དེ་ཕྱིར་རྟོག་པར་ཡང་དག་བཤད།། རྟོག་པ་ཡོངས་སུ་དག་ཕྱིར་རོ།། འདི་ལ་ཇི་ལྟར་རྒྱུད་ཕྱི་མ་ཡིན་ཞེ་ན།། རྒྱུད་ནི་རབ་ཏུ་འབྲེལ
158b3 བར་བཤད།། ཕྱི་མ་གོང་དུ་ཕྱུང་བ་ཡིན།། དེ་ཉིད་གསང་བ་གསང་ཆེན་རྣམས།། དེ་ཡང་རྒུད་ནི་ཕྱི་མར་འདོད།། དེ་ལ་ཇི་ལྟར་དང་པོའི་སའི་དེ་བཞིན་ཉིད་ཀྱི་ཡེ་ཤེས་ཡིན་ཞེ་ན།། ནམ་མཁའ་ཀུན་ཏུ་རབ་གནས
158b4 པ།། རྡོ་རྗེ་ཀུན་གྱི་དངོས་པོ་མཆོག། བདེ་ཆེན་བགྱིས་པ་ཆེན་པོ་དེ།། དམ་པའི་ཡི་གེ་གཞལ་ཡས་ཁང་།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ།། དེ་ལ་ཇི་ལྟར་གདོད་མ་དང་ཐ་མ་མེད་པའི
158b5 རྡོ་རྗེ་སེམས་དཔའ་ཡིན་ཞེ་ན། ཡི་གེ་ཀ་སོགས་དྷ་ཡིག་མཐའ།། ང་ཉ་སྤངས་ནས་འཇུག་པར་བྱ།། ཡི་གེ་ད་སོགས་ཀྵ་ཡི་མཐའ།། ཕྲེང་བ་གཉིས་པོ་ཡང་དག་བྲི།། དབུས་གནས་པར་ནི་ཨ་ཡིག་ཕྲེང་།། ཟླ་བའི
158b6 དཀྱིལ་འཁོར་ལ་བཀོད་དེ།། ཐིག་ལེ་ཟླ་ཚེས་དང་ལྡན་པར། ཚེག་དྲག་ཟླ་བ་གཉིས་ཡིན་ཏེ།། ཨ་ཡིག་མི་འགྱུར་བསྒོམ་པར་བྱ།། དབུས་སུ་རྡོ་རྗེའི་ངོ་བོར་གནས།། དེའི་དབུས་རྟག་ཏུ་བསྒོམ་པ་ནི།། འདོད་ཆགས
iiif viewer powered by OpenSeadragon
