| e-texts navigator |
| Wylie |
157b1 @།། རྒྱ་གར་སྐད་དུ། སརྦ་ཀལྤ་ས་མུཙྪ་ཡ་ནཱ་མ་སརྦ་བུདྡྷ་ས་མ་ཡོ་ག་ཌཱ་ཀི་ནཱི་ཛཱ་ལ་ས་མཱ་ར་ཨུཏྟ་ར་ཏནྟ། བོད་སྐད་དུ། རྟོག་པ་ཐམས་ཅད་འདུས་པ་ཞེས་བྱ་བ་སངས་རྒྱས་ཐམས་ཅད་དང་མཉམ་པར་སྦྱོར་བ
157b2 མཁའ་འགྲོ་སྒྱུ་མ་བདེ་བའི་མཆོག་གི་རྒྱུད་ཕྱི་མའི་ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སངས་རྒྱས་ཐམས་ཅད་ཕྱག་འཚལ་ཏེ།། མ་ལུས་ལུས་པ་མེད་པར་གྲུབ།། རྣམ་རྟོག་མེད་པའི་སེམས་ལ
157b3 ནི།། དེ་ཁོ་ན་ཉིད་ངེས་པར་གནས།། སེམས་དཔའ་སངས་རྒྱས་ཀུན་གྱི་དངོས།། རྡོ་རྗེ་སེམས་དཔའ་བདེ་བའི་མཆོག། གསང་བ་མཆོག་གི་དགྱེས་པ་ན།། ཐམས་ཅད་བདག་ཉིད་རྟག་ཏུ་བཞུགས།། འདོད་ཆགས
157b4 ན་པོ་བདེ་ཆེན་པོ།། བདེ་ཆེན་རྡོ་རྗེ་ཆེན་པོ་བས།། རྡོ་རྗེ་འཛིན་དང་ལྷན་ཅིག་པའི།། བདེ་གཤེགས་མགོ་ཁྱོད་རྣམས་ཀྱིས་བཞུགས།། ཐམས་ཅད་མཆོག་གྱུར་འདོད་ཆེན་གྱིས།། དངོས་གྲུབ་དབང་ཕྱུག་རབ་གྲུབ
157b5 ཕྱིར།། སངས་རྒྱས་ཐམས་ཅད་མཉམ་སྦྱོར་ལས།། རྟོག་པ་འདུས་པ་བཀའ་སྩལ་འཚལ།། རྣམ་པར་མི་རྟོག་ཆོས་དག་ལས།། རྟོག་པའི་དོན་འདི་གང་ལ་གསུངས།། ཅི་ཡི་སླད་དུའང་རྒྱུད་ཕྱི་མ།། དང་པོའི་ས་ཆོ་ག་ཇི
157b6 ལྟར་ལགས།། གདོད་མ་ཐ་མ་མེད་ཉིད་ཡང་།། རྡོ་རྗེ་སེམས་དཔའ་དེ་བཞིན་ཏེ།། ཡིག་འབྲུ་ཇི་ལྟར་གསུངས་པ་ལགས།། སྔགས་ཕྱུང་བ་ཡང་ཅི་འདྲ་སྟེ།། ཤིན་ཏུ་དགའ་དང་བཟང་ཉིད་དེ།། རྡོ་རྗེ་སྙིང་པོ་གཙོ་བོ
iiif viewer powered by OpenSeadragon
