| e-texts navigator |
| Wylie |
157a1 བའི་པདྨ་རྣམ་དག་མཆོད་པ་དང་།། རྟ་མཆོག་རྣལ་འབྱོར་བདེ་བས་གསལ་བར་རྗེས་སུ་མཆོད་ན་ནི།། རབ་ཏུ་བདེ་བའི་རྣལ་འབྱོར་དམ་པ་སྐལ་བཟང་དགའ་བའི་མཆོག། རབ་མཆོག་བདེ་བའི་རང
157a2 བཞིན་དམ་ཚིག་བདེ་བས་རྗེས་གྲུབ་འགྱུར།། བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་གསུངས་སོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ཅེས་བྱ་བའི་རྟོག
157a3 པ། རྟོག་པ་ཐམས་ཅད་ཀྱི་འཁོར་ལོ་བསྐོར་བ་ཆེན་པོ་བདེ་བ་ཆེན་པོའི་སྐུའི་རྒྱུད་སངས་རྒྱས་མཉམ་སྦྱོར་རྫོགས་སོ།། །། རྒྱ་གར་གྱི་མཁན་པོ་བཛྲ་ཧ་སྱ་དང་། སྒྱུ་འཕྲུལ་གྱི་ལོ་ཙཱ་བ་རྨ་རིན་ཆེན་མཆོག་གིས་འགྲེལ
157a4 པ་བཞིའི་གཞུང་དང་བསྟུན་ཏེ་ཞུ་ཆེན་གྱིས་གཏན་ལ་ཕབ་པའོ།། །། སླར་ཡང་དེ་ལམ་རྒྱ་འགྲེལ་དང་བསྟུན་ནས་ཞུས་དག་པར་བྱས་སོ།། །
iiif viewer powered by OpenSeadragon
