| e-texts navigator |
| Wylie |
156b1 བཟང་པོ།། དཔལ་རྡོ་རྗེ་པདྨ་གྱེན་དུ་འཕར་བའི་སྤྱན་ཞེས་བྱ་བའི་ཕྱག་རྒྱ་སྟེ། རྣམ་པ་སྣ་ཚོགས་ཐམས་ཅད་ཀྱི་ཕྱག་རྒྱ་དང་ཕྱག་རྒྱའི་ལན་ཞེས་བྱའོ།། སངས་རྒྱས་ཐམས་ཅད་འདུས་པ་ཡིས།། རྟག་ཏུ་དཔག་མེད་ཚེ
156b2 དང་ལྡན།། ནམ་མཁའི་དབྱིངས་ཀྱི་མཐའ་ཀླས་པའི།། བདེན་པའི་ཚིག་ནི་རབ་ཏུ་སྨྲ།། མཐའ་ཡས་པ་དང་མུ་མེད་པའི།། རྟོག་པ་ཀུན་དང་འདི་ཡི་ནི།། མཐུ་དང་ཡོན་ཏན་བསྔགས་པའི་མཐའ།། བརྗོད་པ་དག་ཏུ
156b3 ཡོངས་མི་ནུས།། མཐུ་དང་རང་བཞིན་དག་གིས་གྲུབ།། ངོ་བོ་ཉིད་ཀྱིས་རྟག་ཏུ་འགྲུབ།། སོ་སོར་རྗེས་གྲུབ་བདེ་བ་སྟེར།། འདི་ནི་གསང་མཆོག་མཆོག་གི་མཆོག། སེམས་ཅན་དོན་ཕྱིར་ལས་རྣམས་སྦྱོང་བ
156b4 དང་།། རྣམ་པར་སྦྱོར་བ་རྒྱལ་བ་ཡོང་མི་མཛད།། འདི་ལ་བགེགས་མེད་བདུད་ཀྱང་ཡོད་མ་ཡིན།། རྟོག་པས་མི་འགྲུབ་ཐར་བར་ཡོང་མི་ནུས།། མི་བརྟན་པ་དང་བདུད་དུ་ང་མི་འགྱུར།། བརྟན་པར་བྱ་བའི་ཕྱིར་ཡང
156b5 ང་མི་འདོམས།། གང་ཞིག་རང་གི་བདེ་བས་བདེ་བསྒྲུབ་པ།། དངོས་གྲུབ་མཆོག་གིས་ད་ནི་བརྟན་པར་མཛད།། ཀུན་ཏུ་སྣ་ཚོགས་པས་ནི་དེ་སྐད་གསུངས།། བཅོམ་ལྡན་དེ་བཞིན་གཤེགས་པ་རྟག་ཏུ་དགྱེས།། རྡོ་རྗེ
156b6 སེམས་དཔའ་དཔལ་གྱིས་ལེགས་གསུངས་ལ།། མངོན་པར་བསྟོད་ཅིང་རབ་ཏུ་དགྱེས་པར་གྱུར།། ཀུན་ཏུ་སྣ་ཚོགས་སྐལ་བ་བཟང་པོ་དམ་ཚིག་གི་རྟོག་པ་སྟེ་ལེའུ་བཅུ་པའོ།། །། རྣམ་མང་རྗེས་ཆགས་དགའ
iiif viewer powered by OpenSeadragon
