| e-texts navigator |
| Wylie |
155b1 རྒྱའོ།། བདག་གི་སྙིང་གར་འདྲེན་ཚུལ་དུ།། གཡོན་པ་ནོར་བུ་རིན་ཆེན་འཛིན།། གཡས་པ་རེ་བ་ཀུན་རྫོགས་པའི།། བུད་མེད་ལ་སོགས་རིན་ཆེན་འཛིན།། བསམ་པ་ཐམས་ཅད་ཡོངས་སུ་རྫོགས་པར་བྱེད
155b2 པའོ།། བདག་གི་སྙིང་གར་འདྲེན་ཚུལ་དུ།། པདྨ་སྣ་ཚོགས་དམ་པ་འཛིན།། གཡས་པ་རྡོ་རྗེ་འགྱིང་བ་ཡིས།། དབང་ཕྱུག་དམ་པ་ཐོབ་པར་འགྱུར།། དངོས་གྲུབ་ཀུན་གྱི་དབང་ཕྱུག་གི་ཕྱག་རྒྱ་ཤེས་པའོ།། ཞེས་བཅོམ
155b3 ལྡན་འདས་རྡོ་རྗེ་སེམས་དཔས་དེ་སྐད་གསུངས་སོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས་ཀུན་ཏུ་རྣམ་པ་སྣ་ཚོགས་ཀྱི་དམ་ཚིག་གི་ཕྱག་རྒྱའི་རྟོག་པ་སྟེ་དགུ
155b4 པའོ།། །། དེ་ནས་ཀུན་ཏུ་སྣ་ཚོགས་འདི།། ཕྱག་རྒྱ་ཤེས་པའི་སྒྲུབ་པ་ནི།། ཀུན་ཏུ་སྣ་ཚོགས་སྦྱོར་བ་ཡིས།། ཀུན་ཏུ་སྣ་ཚོགས་བཤད་པར་བྱ།། སྨིན་མ་མིག་དང་སོ་དང་མཆུ།། ཁ་དང་ལུས་དང་རྐང་ལག་གིས།། ཆ
155b5 ལུགས་བཞིན་དུ་གར་བྱེད་པས།། ཕྱག་རྒྱ་ཐམས་ཅད་ཡོངས་སུ་དགྲོལ།། རྡོ་རྗེ་སེམས་དཔའ་དཔལ་སྦྱོར་བས།། ལྷ་མོ་ཀུན་དང་འདུས་པ་ནི།། ཀུན་ཏུ་སྣ་ཚོགས་སྐལ་བཟང་པོ།། རབ་ཏུ་བདེ་བར་འགྲུབ་པར
155b6 འགྱུར།། ཕྱག་རྒྱ་འདི་ཡིས་བཏབ་ན་ནི།། སངས་རྒྱས་ཐམས་ཅད་བྱིན་གྱིས་རློབས།། ལེགས་པར་བྱིན་གྱིས་བརླབས་ནས་ནི།། སངས་རྒྱས་ཐམས་ཅད་འདུས་པར་འགྱུར།། སངས་རྒྱས་ཀུན་དང་མཉམ་སྦྱོར
iiif viewer powered by OpenSeadragon
