| e-texts navigator |
| Wylie |
155a1 རྣམས་མནན་ནས་ནི།། བདག་གི་སྤྱད་པར་དེ་སྤྱོད་དོ།། དེ་བཞིན་ཀུ་བེ་ར་ལ་སོགས།། རིག་པ་འགྲུབ་པ་སྤྱོད་པ་དང་།། མི་ཡི་རྒྱལ་པོ་ལ་སོགས་ཀྱང་།། མནན་ནས་བདག་གི་སྤྱད་པ་སྤྱོད།། འགྲོ་བ
155a2 དང་ནི་མི་འགྲོ་བའི།། དབང་པོ་ཐམས་ཅད་མ་ལུས་པའང་།། རྣལ་འབྱོར་བདག་ཉིད་དེས་མནན་ནས།། བདག་གི་སྤྱད་པར་དེ་སྤྱོད་དོ།། དཔལ་རྡོ་རྗེ་གནོན་པའི་ཕྱག་རྒྱ་ཤེས་པའོ།། ཁུ་ཚུར་སྙིང་གར་བཅངས་པ
155a3 ནི།། བུད་མེད་ཕྱག་རྒྱར་དེ་བཤད་དེ།། བུད་མེད་སྦྱོར་བ་མ་ལུས་པ།། ལུས་པ་མེད་པའང་ཐམས་ཅད་འགྲུབ།། གཡོན་པ་འགྱིང་བའི་ཚུལ་བྱས་ནས།། ལག་གཡས་བདག་གི་སྙིང་གར་ནི།། གྱེན་དུ་དྲང་བའི་ཚུལ་བྱས
155a4 ནས།། བུད་མེད་ཐམས་ཅད་དབང་དུ་འགྱུར།། དཔལ་རྡོ་རྗེ་འགྱིང་བའོ།། དཔལ་ལྡན་སྣ་ཚོགས་པདྨོ་འཛིན།། གཡོན་པ་བརྡེབ་པའི་ཁུ་ཚུར་དང་།། གཡས་པར་ལྡང་བར་གྱུར་པ་དང་།། སངས་རྒྱས་དབང་ཕྱུག་ཏིང
155a5 འཛིན་བྱ།། སངས་རྒྱས་ཐམས་ཅད་རབ་ཏུ་འཕར་བའོ།། གཡོན་པ་དྲིལ་བུའི་སྒྲ་སྒྲོགས་ཤིང་།། གཡས་པ་ཡི་ནི་ལག་པ་ཡིས།། རྡོ་རྗེ་གྱེན་དུ་གསོར་ཞིང་བསྐོར།། སྒྱུ་མ་ཐམས་ཅད་འབྱུང་བར་བྱ།། དཔལ་རྡོ་རྗེ་སྦྲུ
155a6 མའི་དབང་ཕྱུག་མའོ།། གཡོན་པ་གཡོན་པའི་བརླ་ལ་བཞག། ལག་པ་གཡས་པའི་མཛུབ་མོ་ཡི།། རྩེ་མོས་པདྨ་དམ་པ་འཛིན།། གཡས་པའི་བརླ་ལ་ལག་ངར་བཞག། མི་དགའ་བ་ཐམས་ཅད་སེལ་བའི་ཕྱག
iiif viewer powered by OpenSeadragon
