| e-texts navigator |
| Wylie |
14a1 པ་ལ།། བདེ་བ་འཕེལ་འགྲིབ་མི་འབྱུང་བས།། ཐམས་ཅད་བདེ་ཆེན་དཀྱིལ་འཁོར་མཆོག། ནམ་མཁའི་མཐའ་བཞིན་ཁྱབ་པར་གསལ།། གང་དུ་འཕེལ་བ་གསལ་བྱེད་པ།། མ་ཐོབ་པ་དང་རྒྱུན་བཅས
14a2 པ།། མི་འཕེལ་བ་དང་ཆགས་པ་དང་།། ལམ་ལོག་པ་ནི་རྣམ་པར་སྤངས།། གང་ཡང་ཐམས་ཅད་འདུས་པ་ན།། རིག་པའི་སྙིང་པོ་བདེ་བ་རྟེན།། ཇི་ལྟར་ལན་ཚྭ་ཆུར་འཇུག་ལྟར།། ཐབས་དང་མན་ངག་ལྡན་པ
14a3 ཡིས།། དངོས་པོ་བདེ་ཆེན་སྙིང་པོར་ཐིམ།། བསྐལ་པ་བྱེ་བ་གྲངས་མེད་དུ།། སྡུག་བསྔལ་བ་དང་བར་ཆད་དག། སྣ་ཚོགས་མང་པོ་གང་བྱུང་བ།། ཡེངས་དང་བྲལ་བས་ཆུ་བཞིན་ནོ།། སྒྱུ་འཕྲུལ་ཐལ་བའི་རྒྱུད་ཆེན་པོ
14a4 ལས། རང་སྣང་ལ་ཐབས་ཀྱིས་སྒྲུབ་པ་བསྟན་པའི་ལེའུ་སྟེ་ལྔ་པའོ།། །། དེ་ནས་གཞན་ཡང་བཤད་བྱ་བ།། རང་སྣང་བྱང་ཆུབ་སེམས་ཉིད་ནི།། སྣ་ཚོགས་གཟུགས་བརྙན་ཁྱད་པར་དག། དེ་ནས་རིམ་པར་བཤད
14a5 པར་བྱ།། ཐབས་དང་ཤེས་རབ་ལས་བྱུང་བའི།། རྟེན་དང་བརྟེན་པ་ལས་བྱུང་བ།། རང་བྱུང་བྱང་ཆུབ་སེམས་ཉིད་ནི།། ཐིག་ལེ་བདེ་ཆེན་ངོ་བོ་ཉིད།། མ་ལུས་འདུས་པའི་རང་བཞིན་ནོ།། ཁམས་ལྔ་བཅུ་གཉིས་འདུས
14a6 པ་ཡི།། གསང་བ་འདུས་པའི་རང་བཞིན་ཏེ།། ལུས་ཅན་ཀུན་ལ་རང་བཞིན་གནས།། རང་བཞིན་ཐིག་ལེ་ཆེན་པོ་ནི།། སྣོད་བཅུད་བདེ་བའི་མཚན་ཉིད་ཀྱིས།། མ་བྱས་བདེ་བས་ཀུན་ཁྱབ་པས།། གང་ལ་གང་བརྟེན
iiif viewer powered by OpenSeadragon
