| e-texts navigator |
| Wylie |
13b1 ལུས་བཅུད་བདུད་རྩི་ཡིས།། རིམ་པ་ཡེ་ཤེས་ངོམས་པ་མེད།། བདེ་ཆེན་ལོངས་སྤྱོད་ཕོངས་པ་མེད།། རྩ་བ་ཡན་ལག་སྦྱོར་ཟད་པས།། འཁོར་བ་ངན་སོང་འཇིགས་པ་མེད།། ལུས་དེ་བདེ་དང་རྡོ་རྗེའི་སྐུ།། ཡེ་ཤེས
13b2 ལོངས་སྤྱོད་རྫོགས་པར་འགྱུར།། དྲག་ད་ལ་འཇམ་པའི་མཚན་ཉིད་ནི།། སྙིགས་མ་ཟད་པའི་ཐབས་ཡིན་ཏེ།། ཕྱི་ནང་རྒྱུ་བའི་ཁྱད་པར་གྱིས།། འཕོ་བ་བཅུ་དྲུག་ཤེས་པར་བྱ།། སྙིགས་མ་དྭངས་མར་མ་ཞུགས
13b3 ན།། ནད་དང་སྡུག་བསྔལ་གདུང་བ་དང་།། བདེ་ཆེན་ཉིད་ལ་བར་ཆད་འབྱུང་།། སྙིགས་མ་དྲངས་མ་ལ་འཇུག་པ།། རྟགས་ནི་སྣ་ཚོགས་འབྱུང་བར་འགྱུར།། བརྟན་ན་བར་ཆད་མེད་པར་སྐྱེ།། གསལ་ན་དངོས་པོ་བདེ།
13b4 བར་ཐིམ།། གནས་ནི་རྣམ་པ་བཞིར་བཤད་དེ།། སྐྱོན་དང་བདེ་བ་འབྱུང་བའི་རྩ།། མངོན་ཤེས་ཆོས་ཉིད་སྟོང་པའི་རྩ།། ཕྱི་ནང་གོང་འོག་རིམ་པར་འགྱུར།། བདུད་རྩིའི་བཅུད་ནི་རིམ་ཞུགས་པས།། ལོག་པའི་ཉམས
13b5 དང་བདེ་བ་ཁྱབ།། མངོན་ཤེས་ལྔ་སོགས་འབྱུང་འགྱུར་ཞིང་།། བདེ་བ་སྐྱེད་བྱེད་ནམ་མཁའ་བཞིན།། སྒྱུ་འཕྲུལ་ཐབས་ཀྱི་རང་བཞིན་གྱིས།། དྲ་བ་མ་སྐྱེས་ཤེས་རབ་གསལ།། དབྱེར་མེད་དོན་ལ་གོམས་པ
13b6 ཡིས།། ལྷུན་གྲུབ་དཀྱིལ་འཁོར་གསལ་བར་འགྱུར།། པདྨ་འདུས་པའི་སྙིང་པོ་ལ།། རྡོ་རྗེ་ཐིག་ལེ་ཤོར་བ་མེད།། གསང་བ་ཐབས་ཀྱི་བདེ་གནས་ལ།། འཆི་བའི་བག་ཆགས་ནུབ་པར་འགྱུར།། ཐིག་ལེ་འགྲོ་འོད་མེད
iiif viewer powered by OpenSeadragon
