| e-texts navigator |
| Wylie |
12a1 གྲུབ་བཟང་པོ་མཆོག་འབྱུང་བའོ།། གང་དུ་ཡོ་བྱད་མཆོག་གྱུར་པ།། རྩ་བ་གཉིས་ལས་ལྔར་གྱུར་པ།། མཆོག་ཏུ་གྱུར་པ་ཀུན་འགྲུབ་ཅིང་།། གལ་ཏེ་ཉམས་ན་འཇིག་པར་འགྱུར།། རང་བྱུང་བདེ
12a2 བའི་ཐིག་ལེ་ནི།། གསང་བ་བཅུད་ལས་འབྱུང་བ་སྟེ།། ཟག་པ་མེད་པའི་ཐིག་ལེ་ལ།། རེ་དོགས་མཚན་མའི་ཡུལ་ལས་འདས།། ཁ་དོག་གནས་དབྱིབས་འཛིན་མེད་པས།། བདེ་ཆེན་ཆོས་དབྱིངས་རྟོག་དཔྱོད
12a3 བྲལ།། ཐབས་དང་ཤེས་རབ་ཡོངས་རྫོགས་པའི།། ཕྱི་ནང་སྣོད་བཅུད་མ་ལུས་པ།། དངོས་དང་དངོས་མེད་དབྱེར་མེད་པར།། རྟོག་པ་ཐབས་ཀྱིས་དབང་བསྒྱུར་བ།། དབྱེར་མེད་བདེ་བ་ལྷུན་གྱིས་གྲུབ།། རྟེན་དང
12a4 བརྟེན་པ་དབྱེར་མེད་པའི།། བདེ་བའི་ཐིག་ལེ་དེ་བཞིན་ཉིད།། འདུ་འཕྲོ་འབྱུང་བཞི་དེ་བཞིན་ཉིད།། བདེ་ཆེན་སེམས་ཀྱི་རྩ་བར་བཤད།། རང་བྱུང་བདེ་བ་ཆེན་པོ་ནི།། རྟོགས་ལས་གོམས་པ་གསལ་བ་ལས།། བདེ
12a5 ཆེན་བསམ་ཡས་འབྲས་བུ་འབྱུང་།། ངོ་བོ་མིན་ལ་རང་སྣང་བ།། ལུས་དང་རྩ་དང་བཅུད་རྣམས་ལ།། ཐིག་ལེ་བྱེ་བྲག་བསམ་ཡས་འཕྲོ།། བདེ་བས་འཇིག་བྲལ་ཉམས་པ་མེད།། རང་བྱུང་རོལ་པའི་བདེ་བ་ཡང་།། སྐུ
12a6 མ་བདེ་བའི་མཆོག་ཏུ་གསུངས།། ཐབས་དང་ཤེས་རབ་གཉིས་མེད་པའི།། རོལ་པ་སྔགས་ཏེ་ཕྱག་རྒྱའི་གར།། ཐབས་དང་ལྡན་པས་བརྟེན་གོམས་པས།། དངོས་གྲུབ་ཇི་ལྟར་འདོད་པ་འབྱུང་།། ཐབས་དང་ཤེས་པ
iiif viewer powered by OpenSeadragon
