| e-texts navigator |
| Wylie |
11a1 བའི་ཐིག་ལེ་གནས་པའི་ས།། ཡི་གེ་སོ་སོ་མདངས་དང་ལྡན།། ངོ་བོ་ཉིད་དེ་མ་བཅོས་པ།། བཞི་གཉིས་འདབ་མའི་སྙིང་པོ་ལ།། ཆོས་ཉིད་ཡེ་ཤེས་ཡོན་ཏན་རྩ།། རང་རྒྱུད་བཞི་ལ་ཡན་ལག
11a2 བརྒྱད།། འོད་བཞི་དྲངས་སྙིགས་ས་བོན་དྲུག། སྙིང་པོ་རང་བཞིན་སྐུ་གསུང་ཐུགས།། གཉིས་མེད་འབྲེལ་བའི་རང་བཞིན་གནས།། བརྒྱད་གཉིས་ལྡན་པའི་གེ་སར་ལ།། ཨཱཾ་གནས་འདབ་མ་ཨཱ་ལི་ཅན།། གསུང་གི
11a3 འཁོར་ལོ་རྟེན་དང་ཡུལ།། པདྨ་ཁ་ཕྱེ་ལྟ་བུ་ལ།། འདུས་པའི་སྙིང་པོ་སྦྱོར་བའི་ཚུལ།། ལུས་ཅན་སྒྲ་རྣམས་གསལ་བར་འབྱུང་།། སྤྲུལ་པ་དྲུག་ཅུ་བཞི་གནས་པ།། སུམ་ཅུ་རྩ་གཉིས་རང་བཞིན་ནི།། ཐིག་ལེ་འཕྲོ་འདུ
11a4 གནས་དང་ལྡན།། རྡོ་རྗེའི་པདྨའི་རྩེ་དང་འབྲེལ།། ཟིན་དང་མ་ཟིན་ཁྱད་པར་ལས།། བདེ་བ་ཟག་པ་ཡོད་མེད་འབྱུང་།། སྟེང་འོག་ཐབས་ཀྱི་རང་བཞིན་ལ།། འཕེལ་དང་སྡུད་པར་ཤེས་པར་བྱ།། ལུས་ཅན་ཀུན་ལ་ཕོ
11a5 བྲང་སྟེ།། ཐིག་ལེ་འཁྱིལ་བ་ལྷ་ཉིད་དོ།། རོ་ལྔས་ཀུན་ལ་རྒྱས་བཏབ་པས།། སྐུ་གསུང་ཐུགས་སུ་སྨིན་པར་བྱེད།། སྒྱུ་འཕྲུལ་རོལ་པ་ཐབས་ཀྱི་རྒྱུད།། ལྷག་པའི་ཐལ་རྒྱུད་ཆེན་པོ་འདི།། དབང་དང་སྐལ་མེད་སྐེ་བོ
11a6 ལ།། འཆད་ཅིང་སྟོན་པ་ལྟུང་བར་འགྱུར།། ཡབ་ཡུམ་གསང་བའི་ཐིག་ལེ་ལ།། རང་བྱུང་ཐབས་ཀྱི་སྙིང་པོས་བརྟགས།། དེ་ནི་ཀུན་གྱི་སྙིང་པོ་སྟེ།། གོམས་པས་ཐམས་ཅད་གྲུབ་པར་འགྱུར།། གསང་བ་ཐབས་ཆེན
iiif viewer powered by OpenSeadragon
