| e-texts navigator |
| Wylie |
115b1 མཚན་མའི་རྒྱ།། ནམ་མཁའི་དབྱིངས་ཀྱི་མཐའ་ཀླས་པའི།། ལྷ་མོ་རྣམས་ཀྱི་བདེ་བའི་མཆོག། གཞུ་དང་མདའ་དང་དེ་བཞིན་དུ།། སྐལ་ལྡན་དེ་བཞིན་སྐལ་བ་བཟང་།། ཐོད་པ་དང་ནི་ཁ་ཊྭཱཾ་ག། རྡོ་རྗེ་རྒྱ་གྲམ་དེ
115b2 བཞིན་ནོ།། པདྨ་རྒྱ་གྲམ་དཔག་མེད་ཆེའི།། སངས་རྒྱས་ཀུན་གྱི་ཚེ་བསྒྲུབ་པ།། ལྷ་མོ་ཚོགས་རྣམས་ཐམས་ཅད་ཀྱི།། མཚན་མའི་ཕྱག་རྒྱ་ཚོགས་སྒྲུབ་བཞིན།། མདའ་དང་དེ་བཞིན་ཚངས་པའི་མགོ། དེ་བཞིན་འཁོར
115b3 ལོའི་ཕྱག་རྒྱ་དང་།། རྡོ་རྗེ་ཏྲི་ཤཱུལ་ཕྱག་རྒྱའི་མཆོག། དཔག་བསམ་ཤིང་དང་ལྕུག་མ་དང་།། པདྨ་རྟ་མགྲིན་འཕང་མཐོ་བ།། རྟ་མགྲིན་ལྗང་གུ་དེ་བཞིན་ནོ།། ཕག་གི་མཆེ་བ་གྲུབ་པ་དང་།། ཟླ་བ་ཉི་མ་དེ་བཞིན
115b4 ནོ།། རིན་ཆེན་སྣ་ཚོགས་སྣོད་ཆེན་དུ།། སངས་རྒྱས་གཟུགས་ཀྱི་ར་ས་ཡ།། ཐམས་ཅད་བདག་ཉིད་མྱོང་སྐལ་བཟང་།། མཚན་མའི་ཕྱག་རྒྱའི་ཚོགས་བཞིན་ནོ།། གླིང་བུ་དང་ནི་པི་བང་ཀུན།། ཀུ་མཎྜ་དང་མུ་ར
115b5 ཛ།། མེ་ཏོག་བདུག་པ་མར་མེ་དང་།། སྣ་ཚོགས་དྲི་རྣམས་དེ་བཞིན་ནོ།། དེ་ལ་སོགས་པ་མཐའ་ཡས་མཆོག། ཆོས་དབྱིངས་མཉམ་དང་མི་མཉམ་པ།། ནམ་མཁའི་དབྱིངས་ཀྱི་མཐའ་ཀླས་པའི།། མཚན་མའི་ཕྱག་རྒྱ
115b6 དམ་པའི་ཚོགས།། ནམ་མཁའ་ཀུན་གྱི་སྐབས་ན་དཔལ།། རྡོ་རྗེ་སེམས་དཔའ་ཉིད་ལ་གནས།། གྲུབ་པའི་དབང་ཕྱུག་རབ་གྲུབ་པས།། ཐམས་ཅད་བདག་ཉིད་གྲུབ་པར་འགྱུར།། ཆོས་གོས་དང་ནི་ལྷུང་བཟེད
iiif viewer powered by OpenSeadragon
