| e-texts navigator |
| Wylie |
114a1 བས།། རང་རྒྱལ་རྣམས་ནི་སྐལ་བ་ངན།། འདོད་ཆགས་ཐམས་ཅད་རྣམ་དག་པས།། སྐལ་བཟང་སྤྱན་རས་གཟིགས་ཀྱི་དབང་།། ལོག་པར་ལྟ་དང་ལྡན་པས་ན།། སྐལ་ངན་འཇིག་རྟེན་མུ་སྟེགས
114a2 ན།། དམ་པའི་ནོར་མཆོག་སྡུད་པའི་ཕྱིར།། སྐལ་བཟང་རྡོ་རྗེ་ཉི་མ་དཔལ།། བདག་གི་བུ་ཡང་མ་ཆགས་པས།། སྐལ་ངན་དཀའ་ཐུབ་སྤྱོད་པ་ཀུན།། རྒྱལ་སྲིད་མཆོག་རྣམས་ཀུན་བསྡུས་པས།། རྟ་མཆོག་དཔལ་ནི
114a3 སྐལ་བ་བཟང་།། བདག་མེད་ཡོངས་སུ་འཛིན་མེད་པས།། ཐུབ་པ་ཐམས་ཅད་སྐལ་བ་ངན།། བདེ་བ་ཐམས་ཅད་བདག་སྒྲུབ་ཕྱིར།། ཀུན་གྱི་སློབ་དཔོན་སྐལ་བ་བཟང་།། ལྟ་ངན་དམ་ཚིག་ལ་སྡང་བའི།། སློབ
114a4 མ་ཐམས་ཅད་སྐལ་བ་ངན།། གསང་བའི་དོན་ནི་ཡང་དག་ཉིད།། འདི་ནི་གསལ་བར་ཤེས་པ་ཡིས།། སངས་རྒྱས་ཀུན་གྱི་བཀའ་བཞིན་དུ།། སངས་རྒྱས་ཀུན་ཏུ་འགྲུབ་པར་གྱུར།། ཀུན་གྱི་སློབ་དཔོན་ལ་གནས
114a5 པས།། འཁོར་ལོར་འཇུག་པར་བྱེད་པ་ན།། དཀྱིལ་འཁོར་འདོད་པའི་སློབ་མ་ལ།། གསང་བ་ཡང་དག་མཐའ་ཡས་མཆོག། ཐོག་མ་ཉིད་དུ་གསལ་བརྗོད་པ།། ཀྱེ་ཁྱོད་ཅི་ལ་དགའ་ཞེས་དྲི།། སྐལ་བ་བཟང་ལ་བདག
114a6 དགའ་ཞེས།། འཇུག་པ་པོས་ཀྱང་སྨྲ་བར་བྱ།། གསང་བའི་ཡང་དག་འདི་ཤེས་ན།། ཅི་ལྟར་འདོད་པར་རབ་ཏུ་གཞུག། གསང་བ་ཡང་དག་མི་ཤེས་ན།། གཡས་པ་ཡིས་ནི་གཞུག་པར་བྱ།། དེ་ལྟར་དཀྱིལ་འཁོར་དུ
iiif viewer powered by OpenSeadragon
